【容祖兒演唱會】李克勤帶一家大細撐場 做嘉賓不忘為歌迷謀福利

撰文:
最後更新日期:

容祖兒《PRETTY CRAZY》紅館演唱會進行得如火如荼,來到昨晚(9/8)第五場時,Joey便邀請到合作無間的老朋友李克勤,二人先後合唱了《月半小夜曲》和《刻不容緩》,相識多年的他們,在台上打打鬧鬧、唇槍舌劍的鬥嘴大騷好交情。

二人老友鬼鬼,在台上你一言我一語的鬥嘴,惹得全場歌迷笑聲不斷。

李克勤才剛從升降舞台中出場,Joey便興奮得跳過去擊掌,以感謝好友為她當嘉賓。在唱畢第一首合唱歌曲《月半小夜曲》後,克勤立即說:「我真係首先要恭喜咗你先!」祖兒語帶笑聲回話:「我真係恭喜你呀!」克勤續言:「因為呢個演唱會真係無得頂,我隻眼係未停過!好忙呀!呢度又發生緊一啲嘢,嗰度又發生緊一啲嘢,上面又發生緊一啲嘢……」大讚Joey演唱會舞台設計和效果真的不簡單,更感嘆從未聽過舞台設計師人工比歌手更高,正經不過三秒便繼續開玩笑:「我覺得佢嗰個靈感、嗰個藝術品呢,一定係嚟自我哋嘅蚊香!」語畢,頓時讓Joey哭笑不得,跺腳大呼:「乜嘢蚊香呀!有冇搞錯呀!」逗得全場歌迷笑聲不斷。

克勤炮火猛烈,分享完對舞台設計的見解後,便開始為歌迷謀福利,Joey殊不知又墮進另一個陷阱。「我覺得你所有嘢都係為咗觀眾好,觀眾係有福嘅!但今晚第五場嘅觀眾就唔夠第一場嘅觀眾有福囉!」克勤一句話,又讓Joey不解直問:「點解呀?」克勤解釋說:「第一場個班又可以留返票尾睇多場!」隨即引起全場歌迷起哄認同,「第一場嘅觀眾因為機件故障,所以睇唔到一啲嘢,就可以睇多場!」Joey激動說明當晚情況:「成個台喺下面冇升過上嚟呀!」但克勤堅守己任,繼續本份:「咁你會唔會覺得對其他17場嘅觀眾唔公平呀?」一句話既讓Joey目瞪口呆大叫「黐線」,又不知從何開始解釋,同時亦讓全場歌迷陷入瘋狂。

現場歌迷表現亢奮。

克勤完全黃子華上身,繼續手舞足蹈的自顧自說:「咁係呀嘛!咁你發生故障又睇多場,咁我頭先去男廁一個廁格,個沖水都發生故障啦,咁今日係唔係又可以睇多場呀?」然後更貼心為Joey提供解決方法,「不如咁啦,我唔知你點樣搞啦,但起碼今晚可唔可以唱夜啲呢?我知你仲有好多歌都未唱嘅,我就唔知你點收科,但總之今晚星期五晚,大家都冇咩做。」暗示Joey要識做,讓她激動對他說:「你點可以手指拗出唔拗入!」聞言,克勤便原地一跳,攤手一問:「做咩手指拗出唔拗入呀?我而家係為各大觀眾着想咋啵!」讓Joey無奈地連聲說好,想打馬虎眼呼嚨過去,可惜克勤繼續窮追不捨:「咩睇下點!我會喺度睇到最尾先走,你唔好唔唱呀!」Joey便弱弱回擊:「係呀係呀,你睇到開燈先好走呀,唔好又話要趕住返去湊仔呀!」最強克勤又怎會被擊倒,便立刻說:「我帶晒全家嚟睇呀!」

+12
+12
+12

最後,原本二人合唱完《刻不容緩》便齊齊落台,但克勤過於心急加上燈光昏暗,便不小心企錯在升降台邊口位,險生意外,幸好Joey見狀立刻快步上前把他拉住,自己更差點被絆倒,「行錯路啦你……差啲!呢度降你落去呀,阿哥!」幸好最後也平平安安,完美演出!



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。