日本Family Mart都會播佢嘅歌 香港網絡歌手星星兔到底係咩人?

撰文:
最後更新日期:

從70年代至今,香港流行樂壇不多不少仍依附在舊有的模式上,歌手需要簽公司、派台、上榜,歌曲才有認受性。過去幾年,也有一些獨立音樂人嘗試打入主流樂壇,可惜亦是曇花一現。現實一點說,在大型唱片公司經營也遇上困難的時候,獨立音樂人的生存空間更可說是在夾縫當中。不過世上總會有一些逆市奇葩,明知山有虎依然迎難而上,說不定最後能突破困局。

網絡歌手星星兔(Sing Sing Rabbit)這個名字,對香港樂迷可能不算是太熟悉,不過戴著一個兔仔頭套幪面唱歌,一唱至今便是8年,雖然一直未有露出蘆山真面目,不過在日本卻是為人所熟悉,甚至連世界排行第一的音樂手遊《Cytus II》也收錄了她的作品。近年不時遠赴日本演出,靠的不單止是創作力,還有非一般的經營力。

攝影:黃寶瑩

看到這個頭套,可能你會依稀有些印象,她便是香港網絡歌手星星兔。由8年前開始在網絡上翻唱歌曲,她的奮鬥故事除了由兔子頭套開始,亦由「膽粗粗」三隻字開始。 (黃寶瑩攝)

+3
+2

與其說星星兔只是單純的一個音樂人,她更是一個為追夢而付出200%努力的經營者。提起星星兔之始,她最初只是在網上翻唱音樂作品,但又不希望露面,於是她的設計師朋友便為她帶來一個兔仔頭套拍MV,怎料這個假面身份一用便是8年。一般網絡歌手的路線,離不開創作、出歌、找唱片公司出碟、開演唱會,甚至找唱片公司簽約成正式歌手,不過星星兔卻脫離了這種想法:「自從星星兔嘅形象出咗嚟之後,我就開始研究,原來關於一啲卡通人物嘅授權合作佔咗全球業務一個好大嘅部份。於是我就諗,其實星星兔可以推出唔同產品,成為一個正式業務。」

8年開始,星星兔由一位翻唱歌手作起步點。直至現時,她已是一位成功的品牌主理人。 (黃寶瑩攝)

一手一腳打造出「星星兔」品牌,全靠自己研究IP業務,至今除了音樂外,更發展出產品、服飾等範疇。 (黃寶瑩攝)

萬事起頭難,她憶述起星星兔的轉型期,是發生在2014年:「當年我推出咗第一張創作EP,不過當時有好多人都會質疑我,覺得我嘅作品唔會成功,我承認自己有少少被激親,因為我覺得作品都未出街,佢憑咩去話我唔會成功呢?所以我好想成為一個鼓勵各位追夢者嘅人,於是我立心要做一啲好勁嘅事情,證明我係得。」當時她的第一個想法,是希望成為首位上太空唱歌的女歌手:「最初覺得未必會成功,直至到我見到Virgin Galactic嘅新聞,原來佢哋起緊一個太空站,於是我同同事不停做資料搜集,又打電話去問想上太空應該點做。不過原來要花費二十萬美金,加上佢哋都好似未完全開發成功,所以轉方向再諗過。」

不得不說,星星兔的固執絕不兒戲,她又從另一方法著手:「見到外國有團隊用天文氣球將唔同物件送上近太空,於是我就做咗好多測試,又失敗過,最後去到2014年終於成功將星星兔嘅公仔同一部mp3送上太空。雖然自資用咗六位數字,不過好值得,因為我覺得堅持到成功就係星星兔嘅精神。」此事當時更轟動台灣多個媒體,星星兔的名字亦在不同地區傳開來。

沒有大公司作靠山,單靠自己要將音樂搬上商業層面,少不免有種盲人摸象的感覺,星星兔直言:「當時好多關於商品授權嘅知識,其實都係靠自己網上學返嚟。令到我真正開拓視野,係自己擺咗第一個香港授權展,當時都係學習心態,因為知道有好多卡通角色都會喺嗰度擺展覽,最後好幸運地,有8個商場決定攞我嘅授權擺商場展覽。」漸漸,她們由兩個人的團隊,在一年內擴展成有設計師、銷售部同事的公司規模,後來連鎖生活商店Log On也有星星兔的產品發售。星星兔認為所有事情由可能性變為真實,是因為種下了一顆顆種籽:「網上發佈音樂係一粒種籽、出碟係一粒種籽、上太空係一粒種籽、出產品又係一粒種籽。如果我之前冇去嘗試做呢啲事情,就唔會有後面嘅機會。」

星星兔堅守一個信念,只要願意種下種籽,總會得到意想不到的成果。 (黃寶瑩攝)

現時除了音樂手遊《Cytus II》外,在日本的便利店也有機會聽到星星兔的作品。 (黃寶瑩攝)

雖然以歌手身份來說,星星兔在香港未算是打響名堂,不過卻成功轉戰日本二次元市場,亦是她願意將眼光放遠。在作品打入音樂手遊《Cytus II》前,星星兔又膽粗粗飛到日本擺授權展,回想起來,她笑言的確很多事情也是靠「膽粗粗」,而日本當地的授權展中,她便是唯一一間香港公司:「喺展覽入面,我認識咗當地一個賣洗頭水嘅朋友,佢買咗我五張唱片,之後我打咗一年電話畀佢,希望可以有合作機會。後來佢喺日本擺洗頭水展覽,邀請我過去睇下,我又真係去咗,了解對方多咗,發現原來佢本身係一位音樂人,但因為地震關係,佢需要接管屋企嘅業務,於是放棄音樂。直至我哋遇上,佢話有種重生嘅感覺,亦因為佢係一個音樂監製,我哋就開始一齊做音樂。」

同一個日本授權展當中,星星兔又認識了音樂手遊《Cytus II》的母公司,最後成功將三首歌曲放到遊戲當中,更不時出席日本的大型活動演唱,就連早前《第11回沖繩國際映畫祭》也有她的身影。她笑言:「其實日本知名便利店Family Mart都有播我嘅歌,不過可能時段撞唔啱,我試過行入去都聽唔到。」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。