黎明組樂隊Gingerbread 新作《勁傾心》改編Radias分享初戀往事

撰文:彭嘉彬
出版:更新:

黎明繼2016年創作出「明福俠」,今年又再以明福俠身份重新出發,組成樂隊Gingerbread,成員包括明福俠(黎明) 及Auto Tom,黎明表示組合以Gingerbread為名,原因是薑餅人總會散發出一種開心的氣息,希望此樂隊的音樂能為大家袪濕驅寒,有温暖舒爽的感覺。

五月推出首張作品《我們的下雨天》時,成員還只有兩人。今日Gingerbread再推出新作《勁傾心》,找來本地Hip Hop廠牌Bakerie主腦Dough-boy合作,作品以Hip Hop為本,黎明解釋:「Gingerbread其實是一個槪念單位,主要是希望創作不同的音樂文化給大家,開闊大家的視野,所以Gingerbread將來可以是二人、三人,甚至沒有明福俠也可以。」

黎明以「明福俠」身份,與Auto Tom組成Gingerbread,今次更找來Dough-boy創作新歌《勁傾心》。 (資料圖片)

今次新作《勁傾心》其實是改編自1987年Radias的經典作品《傾心》,加上Dough-boy及WE5的重新編曲,作品又注入了不少生氣。為著今次的新作,黎明、Auto Tom及Dough-boy更特意拍了一段影片,分享三人的初戀經歷,有趣在於原來三人的初戀也是以告白失敗告終。黎明又笑言:「今次大家分享完初戀故事,有靈感寫歌啦,唔好成日寫咁多粗口歌啦。」Dough-boy立刻答道:「我冇寫粗口歌呀,係佢哋填粗口咋嘛。」

為了分享三人的初戀故事,製作團隊更特意拍攝短片,重現當時情景。 (資料圖片)

深信大家最好奇的,當然是黎明的初戀故事。不少人以為黎明的初戀,應該是叫阿May,皆因歷代與黎明拍廣告的女主角也是叫阿May。但實際上,黎明的初戀原來發生在15歲時所認識的Summer身上,與大眾印象不同,黎明的初戀沒有所想般的順利,他憶述:「當時我仲係戴眼鏡,未開始戴Con,鐘意咗一個同班女同學。我唔敢正面望佢,所以每次都企到好側,一直側視佢,後來有一次見到有個男仔接佢放學,由嗰時開始,我就跟住佢,慢慢跟到返佢住嘅地方,成個過程都有兩三個月。後來佢又換咗一個新嘅男朋友,仲要高之前嗰個好多,冇辦法啦,我唯有繼續側視佢。」

短片中飾演初戀對象嘅女主角,全部都勁Pure勁True! (資料圖片)
+6

後來,黎明與友人親身遇上一次勒索,其中一位信教的朋友告訴他:「唔洗緊張,主自然會有佢嘅安排。」就是這一句說話,令黎明終於鼓起了告白的勇氣:「隔幾日我喺街撞返個女仔,我同自己講,呢個係我要好好把握嘅機會,希望天主聽到我心聲。於是我擔住把遮行埋去個女仔度,問佢得唔得閒去飲茶。」那位女生又問:「飲咩茶?」黎明又答道:「檸檬茶。」聽到這裡,深信大家也不禁為這老套的搭訕開場白失笑,當然這場鬧劇般的初戀就此以失敗告終,回想起來,黎明表示:「我都覺得係包茶出事,以後追女仔都唔會揸住包檸檬茶。」

發表評論...