【田蕊妮演唱會】廁所成就演藝之路 杜汶澤:最大成就係娶咗佢!

撰文:彭嘉彬
出版:更新:

田蕊妮《New Start演唱會》昨晚完滿結束,以阿田出道和奮鬥史為故事線,用一首首歌曲完滿故事。《南海十三郎》主題曲《等你》歌畢後,阿田繼續分享亞視往事,開啟了演員之路後,漸漸忘記自己有多愛唱歌,後來只會在洗手間「唱兩嘴」過過歌癮,但偶爾在電台聽到好聽的歌時,便會幻想如果這首歌是自己的會多好。

昨夜阿田換上多套晚裝,包括這套藍色性感高釵裙。 (葉志明攝)

林二汶驚嘉現身與阿田合唱《早班火車》,但因為阿田演唱會歌單滿滿,所以唱完匆匆下台前留下祝福:「我好榮幸可以參與你嘅夢想,但我更榮幸可以做你嘅朋友,因為你真係好好!」

林二汶擔任嘉賓合唱《早班火車》。(葉志明攝)

「又係呢個廁所,我喺裏面化妝哼哼唱唱嘅時候俾呢個人拍低咗,網民先記起我係歌手,田蕊妮係唱歌。咁我就諗,點解我唔試下唱返歌呢?於是我就由呢個廁所走到錄音室,錄製咗我首隻大碟《You Are My Man》!」話音一落,便一連唱了《不傷人》、《黑夜不再來》和《半段路》。

在阿田換衫時,屏幕播放好友眼中的「杜汶澤與田蕊妮愛情故事」:「當時佢哋拍緊《南海十三郎》,阿豬(田蕊妮)話覺得阿澤真係媾佢!但屋企人就好似唔係咁讚成,但最後佢哋未拍完套戲就一齊咗。」又說起在結婚當天,阿田飲得酩酊大醉,杜汶澤揚言絕對不能讓其他人影到她的醉樣,姊妹團唯有夾計用檯布包起阿田,笑言似是「待洗的垃圾」。

田蕊妮坦言,幸福是兩個人因彼此而變得更好。(葉志明攝)

阿田換上白襯自彈自唱與杜汶澤的婚禮歌《守望杜田》,剖白以為婚後生活會變得簡單和安心,誰知道杜汶澤不斷把她跳出舒適圈:「結婚14年,我由當時連決定都唔敢做嘅女人,變成一個勇敢嘅女人。而我老公就由一個X街,變成一個人,甚至喺我心中係一個好好嘅人!」再唱出《遊樂場》、《大丈夫》及《兩口子》為丈夫表達愛意和送上感謝:「啱啱結婚嗰時,有一班人同我講我好幸福,因為杜汶澤又買樓又買車畀我,但近幾年同一班人又同我講,你老公做嘢有冇諗過你感受?」阿田笑言朋友的話讓她重新思考幸福:「結婚初時佢真係想做咩就做,完全冇諗過我感受。但佢越嚟越識得照顧我感受,其實幸福唔係表面上可變畀到啲咩我,而係我哋彼此可以點令彼此成為更好嘅人!」

隨即便播出杜汶澤的VCR,他在短片中坦言田蕊妮在身邊不離不棄,亦在她的管制下, 40歲終於成功買樓:「入伙第一晚田蕊妮喊,話我哋終於唔使搬。我一生最大成就伙娶咗田蕊妮,咁多年無論發生咩事,佢都冇放棄過我。」

杜文澤在VCR中對阿田示愛:「一生中最大成就就係娶咗佢!」(葉志明攝)

今晚演唱會就如一個自傳式的演唱會,除了圓夢,也彌補了阿田人生中的一些遺憾。回憶起與媽媽的往事,在16歲那年她代表亞視出席一個五台聯播的舞台表演,同場的都是天王巨星,有四大天王、王菲:「佢哋唱完之後,維園嗰5萬個人拍手,但到我上台,主持人介紹「亞洲電視田蕊妮」後卻噓聲四起,讓媽媽心痛落淚:「當時我諗,我一定要上台唱完,令到觀眾拍手,因為咁做媽媽先唔會心痛。」多年後,在今晚的舞台唱《那一場風花雪月的事》後,終於等到遲來的掌聲,讓她眼泛淚光,流下忍了一整晚的淚水:「大件事,唔捨得點搞呀!」但仍打起精神,邀請歌迷一起把生活不快轉化成噓聲,全場一起「噓」後,阿田便叮囑「大家早啲返屋企瞓」欲結束演唱會。

在一片Encore呼聲下,阿田換上黑色半身tee,配闊牛記出場唱《青春常駐》、《沒那麼簡單》後,歌迷驚喜送上生日蛋糕和合唱《生日快樂》,歌迷在切蛋糕時拿出刀時,阿田笑言:「喔!你又着黑衫,又帶攻擊性武器!」在一片祝福聲下,阿田與大家約定,唱出最後一首《未來見》。

全場歌迷合唱《生日快樂》。(葉志明攝)

演唱會後接受訪問,阿田被問到會否把工作重心放於唱歌,她則笑言暫時未有想太多。至於邀請爸爸上台做嘉賓,只因父親是影響自己很深的一個人,同時最簡單的原因便是那是她爸爸:「我覺得今晚佢嘅表現係滿分,而且佢一啲都唔緊張,就上台之前都仲周圍去招呼朋友,我仲要搵佢返嚟添!」

後台訪問時,杜生亦有現身。阿田對未來的工作上未有回應太多。 (葉志明攝)