姜濤Ian音樂電影《戀愛要在生日前》 女主角對邊個比較心動?

撰文:
最後更新日期:

《全民造星II》即將於今月尾啟播,作為ViuTV的重頭節目,深信MIRROR一眾成員或多或少也會有點壓力。12位成員中,姜濤和Ian陳卓賢這些核心成員相對能放心,兩位率先單飛推出個人單曲,不但代表著經理人花姐對他們的愛護,同時ViuTV也特意配合二人的新歌,拍攝音樂電影《戀愛要在生日前》,進一步擄掠女粉絲們的心。

姜濤飾演一位蛋糕師,拍攝過程吃了不少蛋糕。 (資料圖片)

《戀愛要在生日前》與網絡小說平台「tbc…」合作,由黎特編劇。內容講述由姜濤及Ian分別飾演的死神,遇上了平凡女生Cathy,隨即陷入三角關係。雖然兩位也是非常新晉的演員,不過拍攝團隊紛紛表示對二人感到驚喜。導演吳柏羲表示:「姜濤埋位前都好鍾意講笑,我就會懷疑到底佢會唔會一開始就做得到呢?但一埋位佢又可以勝任演員嘅工作,加上好快拿握到語氣,知道我哋想要乜,所以其實都幾驚喜。」

為了今次音樂電影的演出,姜濤更需要不停吃蛋糕,連女主角黃曉文也表示:「佢一見到蛋糕就不斷食,第一次去cooking studio拍整蛋糕,佢本來以為係去西餅店,當佢見到一個蛋糕都冇,佢就好失望,證明佢真係超級為食。」而姜濤又為自己辨解:「我為咗呢套微電影瘦身一段時間,就係等拍攝嗰兩日。因為我個角色係甜品師,劇本話會做好多蛋糕,我就以為可以去西餅店食嘢,不過導師最後買咗8個蛋糕我都食晒。」

不少女粉絲可能最緊要是姜濤和電影女主角之間的關係,姜濤也相當識做,自己向粉絲備案:「以前同女主角拍過一個廣告,當時第一次見大家都冇乜嘢講,所以比較尷尬。出道後先再有見面嘅機會,今次同佢有一個認識嘅基礎。」女主角大讚姜濤謙虛真誠,更笑指:「佢好貪靚!手機殼後面都有鏡,比我更貪靚。」

Ian則飾演一位布偶師,為女主角造了不少公仔。 (資料圖片)

講到Ian的角色,姜濤首先表示:「佢嘅角色係好沉默,成套戲嘅台詞都唔超過20句,好多戲份都係唔講嘢,同佢平時嘅性格都有啲似。」而導演吳柏羲又大讚Ian:「佢係最令人驚喜,本身我對佢嘅印象唔多,不過一落場就投入其中,拍攝前對戲都好認真。」女主角黃曉文又指Ian體貼:「最初都覺得佢係慢熱,不過識落就發現佢個人好細心,識得照顧人,觀察力好好,例如佢見我手機冇電又會主動畀個充電器我,我唔舒服佢又會關心我。有一晚同佢拍到凌晨時份,佢突然對我笑咗一下,我都會覺得佢笑得好甜,幾有魅力。」女主角對Ian可說是讚譽有嘉,似乎相較之下,Ian比較令人心動!



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。