林欣彤宣布年底開騷 聲帶、情緒真係預備好?

撰文:
最後更新日期:

林欣彤(Mag)昨晚在觀塘舉行KKBOX《音樂小K地》Mini Live Show,樂迷把小小的場地擠得水洩不通,令距離更近,氣氛也更熱鬧。騷前阿Mag透露今次Mini Show是為年底演唱會試水溫:「年尾12月27號會開騷,希望到時一切順利啦,同埋依家都已經籌備緊㗎喇!」希望樂迷能入場支持!

林欣彤昨晚舉行KKBOX《音樂小K地》Mini Live Show。(陳順禎攝)

昨晚Mini Show有歌唱,又有遊戲玩,就如一個小型見面會。阿Mag在樂手Nick和Wilson的伴奏下,坐在木質高腳櫈上投入地唱了《玫魂式體驗》和《光源》,而歌迷也默默跟隨節奏打beat。她又與樂迷分享了自己的小基地——睡房:「平日無論練歌啦、瞓覺啦、定係hea時間,我都會留喺房!」

阿Mag宣布年底開騷,希望樂迷能入場支持。(陳順禎攝)

過往曾因失聲而取消演出的阿Mag表示,聲帶已經回復狀態,日常生活和唱歌都冇問題:「做運動可以keep住情緒同身體都健康,做運動個人都開心啲,又減到壓。同埋最緊要係我嘅情緒同受壓指數,呢兩樣嘢都okay嘅,聲帶都會冇乜嘢。」解決了歌手最擔心的問題,接下來又有演唱會,不知道阿Mag會否計劃把近年推出的單曲整理一下,再推新碟呢?「依家暫時都冇咁嘅idea,因為依家出碟係好難嘅事,所以暫時都係以單曲咁去推出先,如果真係有機會(出碟),我都會覺得好開心!」

雖然場地細小,但阿Mag唱得投入,歌迷也聽得陶醉。(陳順禎攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。