叱咤五強結果出爐應驗花姐神預言 MIRROR:算係造星嘅成就解鎖!

撰文:
最後更新日期:

今日MIRROR成員Lokman、姜濤、陳卓賢(Ian)、Tiger及阿Jer出席商台活動,宣傳新歌《Reflection》:「舞步方面都係我哋有史以嚟最難嘅一首歌!」阿Jer表示為了讓一直支持的樂迷看見他們的進步,不但飛到台灣拍攝MV,更在出發前在練舞室苦練數小時,亦是樂迷能看見的Dance Version MV:「隊長形容呢首新歌嘅舞係(會跳到)一個人遞減能量咁樣,由第一次跳呢個version係100%,跳第2次就會減到80、70,但都係因為跳呢3、4個鐘頭嘅dance version嘅一啲呢個session,變咗我哋去到台灣就會順利咗好多。」數字才是最實際,不知道落場拍攝時錄了多少次?姜濤便說:「我哋每個人平均我諗啲單shot都唔超過5分鐘。」

今日MIRROR成員Lokman、姜濤、Ian、Tiger及阿Jer出席商店活動宣傳新歌《Reflection》。 (葉志明攝)

今年不論成員個人或團體亦入圍「叱咤樂壇流行榜頒獎典禮」的「男歌手」及「組合」獎項,而今日五強成績出爐亦應驗日前花姐的神預言,認為因姜濤人氣較受歡迎,故應比Ian更有機會繼續晉級及奪獎,而結果的確只有姜濤成功晉身五強,亦希望如花姐所言,Ian能繼續競逐「新人獎」或其他獎項。但對於二人擠掉陳奕迅晉身七強,又會否感到壓力?姜濤聞言立刻當機,幸好隊長Lokman立即跳出來救場:「其實壓力就不嬲都有,但我覺得係咪都有啲啲…開心囉,好少好少囉,係呀,我覺得衰啲講句,EASON攞唔攞獎佢都係EASON。」

姜濤和Ian成功打入叱咤「男歌手」七強,而姜濤更成功晉身五強。(葉志明攝)

+9
+9
+9

其實今次並不是MIRROR第一次入圍叱咤「組合」,但在心態上顯然大不同,Ian表示對獎項自然是平常心,因為一同入圍的前輩都富有經驗和實力,能出現在同一個名單已非常開心:「但出席典禮個心態有少少唔同咗嘅,上次係似純粹攞門票入場睇嘅觀眾,但係今次就好似自己參與度高咗,關自己事多咗。」更說到如果能勝出,姜濤便會請大家食飯慶祝,打算大吃一頓的Lokman更搞笑說:「打邊爐,大家淨係食味精唔食肉!」把節食減肥、去水腫的煩惱完全拋諸腦後,而意識到團員的瘋狂後,姜濤馬上把球拋向場外的花姐:「咁…值得慶祝嘅,係咪呀花姐?」得到花姐點頭回應後,更馬上「食住上」:「多謝花姐!」

遇到難回答的問題時,隊長Lokman不時跳出來解救團員。(葉志明攝)

+7
+7
+7

訪問時叱咤五強結果仍未出爐,當時MIRROR各人亦抱着興奮的心情,孩子氣的向ERROR喊話:「祝大家前程錦繡!」、「祝大家喺娛樂圈一帆風順!」、「光輝歲月,YEAH!」、「事業順利!」到最後Jeremy打算認真說一番話時,姜濤連忙可愛的拍他手臀,提醒他「跟隊型」說買字祝福語,可最後阿Jer仍失敗以「加油!」作喊話,但亦說了一番感人的話:「我覺得一定要大家一齊喺叱咤上到個台,呢個係造星嘅成就解鎖嚟嘅!」

MIRROR成功晉身叱咤「我最喜愛的組合」五強。(葉志明攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。