姜濤 X 林奕匡合唱《難得一遇》 姜B學吹色士風竟然出古惑?

撰文:劉傳謙
出版:更新:

MIRROR成員姜濤日前首度與Phil林奕匡合作,二人除分別合唱姜濤的《亞特蘭提斯》及Phil的《難得一遇》外,Phil更即席教姜濤吹色士風。不過初次見面,二人在對談間就已經火花四濺。

談到對方在自己心中的第一印象,Phil與姜濤並不相識,覺得這位後輩十分神秘,更指:「反而可能係一啲表妹會同我提過下。」至於姜濤則在入行前已經聽過Phil的作品,不過他一時口快,竟指:「我好中意聽你嘅一啲好浪漫嘅情歌,細細個已經聽……呀唔係!即係未入呢行之前已經聽。」說畢即引Phil捧腹大笑。

姜濤遇上林奕匡,除咗合唱之外,Phil仲教佢吹色士風!(資料圖片)

拍攝當日Phil為姜濤準備全新的簧片及吹咀,而姜濤在短短的5分鐘內已學識吹奏一首簡短的兒歌,並在鏡頭前與Phil合奏。事後姜濤興奮表示:「其實同事問我有冇興趣學色士風,我覺得OK啊!不過睇過好多人吹,但唔知係乜嘢一回事,唔明點解吹一啖氣會有咁多音,所以未開始學時,一心諗到Phil教我已經好有壓力,但到真正開始,Phil會令你整個過程都有好多新發現,感覺好得意!」Phil亦大讚姜濤表現:「好醒啊!未吹到個音已經唱到個音,而且個音仲好準添呀!哈哈!今次係我第一次教人,所以唔知係我教得啱,還是姜濤pick up得快,短短5分鐘已勉強地學咗一首歌,已經好叻!」姜濤得知Phil為自己在鏡頭奉獻了第一次,更希望下次有機會能教對方跳舞。

+2

合作過後,姜濤與Phil都加深認識對方,Phil更指:「不嬲睇相覺得姜濤外表有啲Cool,好少笑,但親身接觸後,發現佢係幾可愛,少少得意少少怕醜。」而姜濤亦分享說:「我本身唔多聽廣東歌,但我係會聽Phil嘅歌,好開心有咁嘅合作機會,而且我哋都算內向又怕醜,感謝Phil遷就我講咁多嘢。」Phil聽罷即表示:「畢竟係前輩,入行都十年,要主動啲嘅,大家都怕醜就好難做節目喇!而且聽到有後輩欣賞自己嘅歌曲,或者未入行已經有聽過,有影響過你,係一件好開心嘅事。」