姜濤生日出歌《蒙著嘴說愛你》鼓勵大家:冇咩係解決唔到包括疫情

撰文:劉傳謙
出版:更新:

姜濤今日21歲生日,選擇透過新歌《蒙著嘴說愛你》陪樂迷走過疫境。本來姜濤計劃以跳唱歌作為第四首派台單曲,更打算到韓國取景拍MV,無奈計劃因新冠肺炎疫情而被迫延期,於是他改以當下疫情作為新單曲主題,希望在生日正日透過歌詞傳遞正能量:「而家遇到乜嘢困難,甚或人生遇到乜嘢困難,其實都應該堅持落去,因為冇咩係解決唔到,包括呢個疫情。」

MV用熒幕幫姜濤遊走市區,結尾仲有彩蛋!(按圖放大)(《蒙著嘴說愛你》MV截圖)
+17

今次姜濤邀請Mirror隊友Lokman、AK、Anson Lo及Edan客串MV,亦請到Error成員肥仔編舞。而MV導演袁劍偉雖然在戶外取景,但想到以熒幕代替真人穿梭鬧市,因此安排成員在室內拍攝。不過拍攝期間,大家亦嚴守1.5米社交距離,肥仔更盡顯搞笑性格,認真到與姜濤用呼拉圈量度距離。

Click入嚟睇下MV幕後花絮!(按圖放大)(資料圖片)
+13

姜濤在疫情下甚少外出,對上一次見到隊友已是一個月前。被問到生日願望,壽星仔只願疫症盡快減退:「因為唔單止牽扯到更多人嘅生命安全,而且疫情快啲好返,大家就好快回復正常工作,可以盡快同大家見面。呢個都算係自私嘅願望,因為疫情好返,有好多工作計劃就可以繼續進行。」他今日亦在社交平台貼文,希望所有醫護人員聽到這首歌也會動力滿滿。

立即觀看《蒙著嘴說愛你》MV