《Chill Club》推歌曲排行榜或設頒獎禮 金廣誠歡迎與星夢合作

撰文:
最後更新日期:

ViuTV音樂節目《Chill Club》即將踏入第三季,並將推出「Chill Club推介榜」,由下星期日起(31日)為觀眾推介10首本地熱播新歌。ViuTV製作部副總裁金廣誠今日接受訪問時表示,不排除會於年末舉行樂壇頒獎禮,同時歡迎TVB旗下星夢娛樂歌手參與。

記者會陣容星光熠熠,即刻睇下有邊啲歌手出席?(按圖放大)(陳志嵐攝)
+31
+30
+29

「Chill Club推介榜」每周上榜歌將由ViuTV製作部及《Chill Club》台前幕後投票選出,在節目時段更會邀請歌手演繹上榜曲目。金廣誠指節目逐漸得到好評,製作組決定更進一步推出歌曲排行榜:「希望大家覺得鍾意聽呢啲音樂,認可呢啲音樂,唔希望大家覺得呢個世界冇晒音樂,因為依家我想畀大家知道,我哋嘅平台都希望畀到音樂大家。」他更指幕後曾有進一步打算舉辦樂壇頒獎禮:「我哋都要睇下接受性有幾大,因為我哋都要畀觀眾知道呢個頒獎禮嘅啟發有幾深。我哋都希望歌手有機會聚首一堂,好似今日咁開心,就好似開緊個party。」他又指不擔心公信力問題,認為排行榜旨在向樂迷推介新歌。

金廣誠與Mirror成員關係良好。(陳志嵐攝)

TVB「勁歌金榜」近年力推旗下星夢娛樂歌手作品及劇集歌,而「勁歌金曲頒獎典禮」更被網民批評「圍威喂」。被問到會否邀請星夢歌手參與推介榜,金廣誠指歡迎星夢在內任何唱片公司及歌手參與:「如果佢哋覺得可以過嚟嘅咪過嚟做囉,我哋歡迎每一個歌星、每一組人都可以過嚟我哋個節目,邊個嚟都得嘅。佢哋係想推介自己嘅歌,咪過嚟唱歌囉。」他更指節目已經致函邀請星夢歌手到ViuTV派台:「我哋都有發過信畀對方話會有呢個榜,希望佢哋都可以畀啲MV我哋播,但係依家都未有回覆。」至於涉及敏感議題的歌曲,金廣誠不個別評論是否准許,只表示一定會向樂迷推介好歌。

ViuTV今日舉行記者會宣布推出「Chill Club推介榜」,為觀眾推介10首本地熱播新歌,不少歌手出席記者會。(陳志嵐攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。