ChillClub|金廣誠認有邀王君馨 不明她缺席原因:只要對方願意

撰文:葉詩
出版:更新:

ViuTV周二(2日)宣告將在4月18日(星期日)舉辦《Chill Club推介榜 年度推介20/21》,並公布各大獎項入圍名單,為樂壇帶來另一波衝擊。ViuTV製作部副總裁金廣誠接受訪問時談到舉辦此頒獎禮的意義:「最緊要音樂第一,每個人都有得選擇,所以就一人一票。」問起親生仔如MIRROR、ERROR得獎機率會較高,金生就斬釘截鐵回應道:「冇㗎,唔會㗎,都要靠佢哋努力做好自己,其實每位歌手嘅粉絲都會投票,個個都一樣均等,唔會話特別畀佢哋做任何嘢。」

ViuTV製作部副總裁金廣誠接受訪問時談到舉辦此樂壇頒獎禮的意義:「最緊要音樂第一,每個人都有得選擇,所以就一人一票。」(梁碧玲攝)

曾志偉近日獲邀回巢無綫任副總經理,掌管綜藝及音樂部等,更立刻動手舉辦《樂壇永續 音樂同享》,化解因09年版稅風波,而跟三大唱片華納、環球、Sony冰封多年的關係。問起在這個時間辦頒獎禮,會否怕有比較:「宗旨係做好自己嘅音樂節目,其實個個台都有做頒獎禮,唔需要比較,最緊要幫到業界已經係我最終目的,我哋(電視台)應該做嘅係提供一個平台。」

點擊圖輯睇記者會現場相:

+23

至於無綫所屬、近年轉攻樂壇的王君馨赫然出現在「年度女歌手」及「年度唱作歌手」入圍名單上,是否預示無綫旗下的星夢歌手亦有望在ViuTV亮相,金生大方指:「我哋歡迎所有唱片公司,只要對方願意上嚟我哋嘅節目。」金生亦透露是日亦有邀請王君馨出席:「上榜嘅歌都有邀請,唔知點解唔嚟。」若然無綫邀請ViuTV旗下藝人如MIRROR、ERROR等前往,金生亦表示無任歡迎:「我哋好Welcome,啱嘅話大家甚至可以Crossover做啲嘢。」

王君馨新歌《尖叫》MV色誘林德信 突破性感尺度床戲濕身樣樣齊

+35