E-Kids開騷話明唔騷肌 譚校長：不知他們還可以拿甚麼出來
撰文：李妍樺
出版：更新：
E-Kids星期六將會到旺角麥花臣舉行演唱會，而今日首先在灣仔舉行記者會，講到演唱會門票兩個小時迅速售罄，他們就笑言自己是危險歌手：「我哋係危險歌手，破壞力強，好多謝有人投資，開頭都以為會冇人買飛，但好在都有唔正常嘅人支持啲唔正常嘅事，負負得正！」而好友EO2的Eddie亦有來撐場，E-Kids還即場演唱《開始戀愛》，看來唱功一點也沒有退步。
Eddie為E-Kids撐場，可惜未能聽到他們合唱。（李妍樺攝）
今次記者會還邀請到譚詠麟（校長）為他們拍片打打氣，校長說：「E-Kids到今時今日仲再開演唱會，我不知他們還可以拿甚麼出來給大家看，但佢哋咁鍥而不捨，我覺得係誠意。」有校長的大力支持，三人都覺得受寵若驚，而Tommy就覺得對校長有歉意，他解釋道：「我覺得自己咁多年嚟做咗好多事情令校長失望，有機會我都想同佢道歉。」他回憶道十七年前E-Kids曾在校長演唱會中擔任表演嘉賓，可算是校長帶他們出道，可惜今次演唱會當日校長將在澳門開演唱會，感嘆未能邀請校長做嘉賓。
校長對E-Kids十分有心，還拍片為他們打氣。（李妍樺攝）
而今次演唱會E-Kids透露有八成都是跳舞歌，三人花了很多時間在練舞方面，問到會否在演唱會中騷肌肉，他們則耍手兼擰頭，笑言：「本身我哋想練肌肉，但唔小心練咗啲脂肪出嚟。」同期的EO2與E-Kids曾經合唱過《魅力移動》，曾經成為一時熱話，到底演唱會會否邀請一眾朋友上台再次合唱呢？各位歌迷要失望了，他們說：「應該唔會喇，因為佢哋都分開咗，都難約，但就會邀請大家一齊嚟睇騷囉。」
睇嚟想睇E-Kids騷肌要等下次喇，惟有睇住佢哋跳舞先啦。（李妍樺攝）