細貓應智越用電子消費劵狂買蕃薯一日三餐當飯食：會食5至6個
撰文：吳子生
出版：更新：
應智越（細貓）今日（19/4）現身電視城出席無綫音樂節目《勁歌金曲》錄影。提到政府早前向市民派發第一輪5千蚊電子消費劵後，有不少港人購買格價較高的電器產品。而細貓就話：「其實我暫時係未有機會去使晒，戶口仲淨4千蚊左右。而我主要用嚟買蕃薯，係因為嚟近有演唱會要籌備，想自己再Fit啲，咁所以就買蕃薯嚟食。我之前大概買咗5袋嘅蕃薯，而每袋都有5磅重，都係60蚊左右。而家我一日三餐會食5至6個蕃薯，鬼叫自己之前自己咁放肆食肥咗咩，唯有係咁啦！」