【多圖】鄭少秋重現《大時代》掟三蟹落台 幽默爆燈扮Oppa畀心心

撰文:
最後更新日期:

有「扮嘢秋」之稱的秋官表示而家少咗扮嘢,都係演返自己熟悉嘅角色比較好。(黃國立攝)

《鄭少秋半世紀.大時代世界巡迴演唱會》昨夜於紅館結束,開宗明義慶祝入行半世紀金禧紀念,當然要回顧秋官多年來的音樂作品。別以為唱的多數都是老歌,其實連大受年輕網友歡迎的《香港料理》也在歌單內。

當年秋官飾演楚留香大受歡迎,讓他與當中角色齊名得到「香帥」的美譽,始終粉絲們也是最期待聽到他唱出劇集主題曲。唱出劇集《大時代》主題曲《歲月無情》後,劇中飾演秋官兒子的三位「蟹仔」邵仲衡,陶大宇,郭政鴻登場,更與秋官合唱《誓要去入刀山》。秋官更笑說要重演劇中經典戲碼「掉仔落街」,不過在紅館則變成「掉仔落台」,幾位更像是真父子般有說有笑,勾起不少劇中回憶。

《大時代》幾位蟹仔齊齊撐場,回憶返晒嚟!(黃國立攝)

一輪劇集主題曲如《無敵是最寂寞》後,秋官問觀眾最喜歡哪位他飾演的大俠,又謂:「其實楚留香都好慘㗎,住喺船上面,車都上唔到,有咩好呀?但係張無忌又畀一班女仔搞到氹氹轉,一樣唔好。」相當搞笑,及後便唱出《倚天屠龍記》。

+18
+17
+16

Encore前最後一首歌,秋官唱出《笑看風雲》。歌迷聽到秋官說是今晚最後一首歌時,紛紛大聲「吓」咗出嚟,秋官打圓場笑道:「信住先啦。」粉絲們都「好識做」,揮手向秋官道別,不過隨即又大叫Encore,喜感十足,完場前秋官更扮韓國oppa比了一個手指心心的手勢,果然心境年輕!

唱出《熊熊聖火》時,一大班靚女圍住,呢位大俠真係艶福無邊!(黃國立攝)

慶功宴訪問上,秋官表示:「作為演員,保持身型、歌藝、舞藝是一個本分,也是應該的。」他更提到好的工作伙伴也相當重要,多番感激演唱會導演及音樂總監。不過他表示最重要還是有一個好老婆,大讚太太之餘,更表示:「我老婆佢乜都管,乜都跟,不過我真係好多謝佢咁照顧我。」最後,秋官還大爆希望有Part 2的演唱會。

唱《像霧像電像春雷》時,秋官一身打扮十足《美女與野獸》入面嘅王子,仲有大大朵玫瑰花!(黃國立攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。