【今晚食乜好?】社企外賣「住家飯」 媽媽級廚藝發揚光大

撰文:胡家欣
出版:更新:

住家飯香,非大廚可媲美。24歲的丁丁於一年多前創辦社企「妳想煮意」,聘用家庭主婦代買餸,兼製作即煮餸盒,令一眾打工仔女辛勤工作後,仍可享用健康的「住家飯」。她指,不少家庭主婦其實想投身職場,但因選擇家庭而放棄事業,故希望社企成為一個平台,發揮她們廚藝才能,「佢哋唔係無知嘅師奶,而係家庭CEO!」

家庭主婦阿江(左)與Tammy先後加入「妳想煮意」,將自家廚藝公諸同好。(張浩維攝)

家庭主婦作為一種職業,有時是一種犧牲小我的選擇。24歲的丁丁2016年在中大畢業,在學時參與香港社企挑戰賽,構思項目時,媽媽成為其啟發對象。丁丁說:「我媽媽係教書,生咗我三姊弟,逼住要做全職家庭主婦。佢有時會同我講,夢想做作家,初時還會投稿和進修,但後來太忙了。」

媽媽棄作家夢做全職主婦 盼辦社企提供婦女就業機會

丁丁媽媽夢想難圓,待小朋友長大後,有意重返職場,但似乎選擇不多。「佢問我好唔好出嚟做保母車保母又或者收銀呢?我話唔得,驚佢辛苦。」全職婦女投身職場難,觸發她想建立一個平台,發揮「師奶」的才能。

丁丁認為家庭主婦雖然經驗不多,但卻有一身好廚藝,於是年多前創辦社企「妳想煮意」,專聘主婦代買餸,兼製作即煮餸盒,方便一眾打工仔享用「煮家飯」。而為配合主婦需要,上班時間會較為彈性,亦只須工作半日。

瑤柱蒜絲瓜,兩位「三兩下手勢」,就製作完成。(張浩維攝)

「住家飯」製作清淡 重客人自煮調味 

不過,此「住家飯」或不同那「住家飯」。丁丁指初時會苦惱於如何介定這一種口味。她說:「我會諗我所謂嘅住家飯,會唔會係人哋嘅出街味?後來我覺得住家飯係一種關懷與貼心,了解屋企人嘅需要去煮。」

於是團隊會在製作上盡量減少調味,「雞粉都唔落,盡量要清」,希望客人可以按自己的口味而煮,稱心如意。她指,雖然家庭主婦非大廚,但煮食一樣會考究,「唔求刀功,但切肉尺寸要講究,例如炒肉片,要好薄,一落鑊就可以煮熟。」

如今團隊已有6人,包括她自己及拍檔阿YO,平均每個月會接600張訂單,營運穩定。她期望這個平台可以向外界證明,「家庭主婦唔係無知嘅師奶,而係家庭CEO!」

媽咪係一個好大責任嘅身份,呢個責任係一世,然後覺得佢哋好厲害,多謝天下間嘅媽媽!
「妳想煮意」社企創辦人 丁丁
丁丁希望社企成為一個平台,發揮婦女廚藝才能。她將於5月11日至12日期間,出席「中大創業日2018」展覽,介紹其創業過程。(張浩維攝)