【不是串爆】旺角性格拉麵小店 無帶外賣兜 拒賣！
撰文：呂諾君
出版：更新：
「我哋唔做外賣，除非自備餐盒啦！」為環保拒絕使用即棄餐具，更說出如此霸氣的一句，有幾個老闆可以做到？旺角就一間食肆，於店門當眼位置，大模斯樣地貼出了「本店只設堂食，如需外賣請自備外賣器皿」的告示。近日被途人發現後，放到網上大讚。店主作出如此舉動，難道就不怕留下囂張印象，趕絕客人？
食肆貼出霸氣告示，難道不怕「趕客」？
「你不停買啲發泡膠返嚟，做完生意又係拎去掉，何必要為咗自己多啲生意，而去製造大量垃圾？」說話的是「岩手膳館」老闆Simon。在香港，有心搞環保的人並不算少，但以商業為本的食肆，又是否可以時時刻刻堅持環保原則？Simon指，該告示自開店時已經貼出，之後都曾有不少人入內好奇詢問，他表示即使「賺少啲」，店舖至今仍然拒絕買入任何發泡膠產品。
「何必要為咗自己多啲生意， 而去製造大量垃圾？」因此，店主Simon叫來買外賣的客人自攜餐盒。
告示中先寫「只設堂食」，後半才寫「如需外賣請……」好像有點自相矛盾？這部分原來是出於商業考慮，「本身唔想做外賣，因為好易做冧個招牌。你買外賣返去，去到荃灣、元朗、對面海，再放多陣先食。焗咁耐仲好冇食？拉麵都變烏冬啦！」本來為了避免無理投訴，想只做堂食，但因應客人要求，還是「恩准」自攜器皿的顧客外帶拉麵，「好似有個老人家成日會帶住個盒嚟，原來佢個女好鍾意食，但又唔願出街，咁佢就冇辦法逼住要買走啦。」
一碗數十元的拉麵，由叉燒到湯底都聚集了拉麵師傅的心血，因此Simon希望客人堂食，以保證食物質素。
如自攜器皿，老闆也會「恩准」客人將拉麵外帶。
如果遇到無理食客入門，硬要Simon提供外賣即棄餐具，他又會如何處理？「咁我可以閂門㗎嘛！」Simon笑說，「會叫佢哋下次拎器皿過嚟，好啲禮貌嘅，相信都會理解。」香港地方不多，不斷製造垃圾，終歸有日填滿，不知又有幾多人願和Simon一樣，以自身出發，在能力範圍以內為環保出一分力？
香港地方不多，垃圾不斷增加，終歸有日飽和。不知又有幾多人願以自身出發，為環保出一分力？