【駝駱牌都救唔到】元朗68年老店結業 東主︰本地家品被時代淘汰

撰文:黎凱容
出版:更新:

本地家品店「唔易做」,有68年歷史,位於元朗阜財街的家品店江華記,近年雖然因駝駱牌水壼大賣,生意一度好轉,惟店主夫婦年紀老邁,加上業主加租,近日宣佈8月底結業。店舖現正進行大清貨,不少老香港的家品,如清明扇、圍村人用以給新娘上頭的金錢竹篩等都會大傾銷,讓街坊懷緬一番。

原來江華記已有68年歷史,當年由Sunnie Kong的三伯爺創立,最初售賣木柴,後來轉讓給爺爺賣山貨,再轉由爸爸媽媽接手賣家庭用品。Sunnie笑說:「山貨即係竹製品同鐵線瓦煲,我都有問過阿爸點解叫山貨,但最後都無得解,哈哈!」當年爺爺的店舖有鐵線瓦煲售賣,非常有名。他向廠商購入瓦煲,然後在煲身自行捆上粗鐵線,可使瓦煲更硬淨。如果顧客發現瓦煲漏水,可以免費拿回店舖修補,爺爺會重捆鐵線,再補上英泥,瓦煲又可以再用上幾年。  Sunnie表示:「個陣《今日睇真D》都有訪問過我哋,好威。」

圖為Sunnie爺爺親手加工的鐵線瓦煲。(Sunnie Kong提供)

爺爺退休後,落在Sunnie父母手,江華記前後換過3個舖位,都在元朗。江華記賣家庭用品,現舖約500呎,可惜隨著外國家品進駐香港,光顧本地傳統家品的人也越來越少。直到去年駱駝牌復刻版水壺突然受港人追捧,舖頭生意又再興旺起來。Sunnie指,去年駱駝牌水壺受歡迎,一天有20多人查詢和訂貨。可惜人氣過了,舖頭人流又打回原形。

Sunnie嘆息:「其實講真,依家啲人都係買嘢返屋企擺,買啲水壺,買啲豬仔錢罌返屋企,都係裝飾多,有幾多個買家品真係嚟我哋舖頭吖,我自己都去買日本嘢,去吉之島啦。」

舖租每月約7萬,本來利潤已相當微薄,惟近月業主又說要加租。由於兩老已年屆六旬,膝頭關節都有很多舊患,故決定退休。剛生了第一胎,正當全職媽媽的Sunnie本來想接手店舖,「但父母覺得現在生意太難做,寧願結業,弄孫為樂。」租約8月底到期,他們不會再續約,也不打算在別處重開。

店舖現正進行大清貨,大部分有特色的貨品如清明扇、圍村人用以給新娘上頭的金錢竹篩都已經被熟客買走。 「唔係平好多,有啲人做生意會提高少少價錢再比折頭,等顧客開心啲,但阿爸一向唔會咁做,所以咁耐都賺得唔多,到依家都唔會大平賣。」她希望8月底前所有貨品可以沽清。

圖為店舖内售賣的其中一款舊式錢罌。(Sunnie Kong提供)