【盧寵茂專訪】內地醫院睇病貴、睇病難？ 港深醫院領頭醫改
時有聽聞內地看醫生的紅包文化，相信港人如無必別要亦絕不會到僅一河之隔的深圳看醫生。任香港大學深圳醫院院長兩年的盧寵茂抱負重大使命，希望重建醫患互信，改善內地醫生的專業形象，抑制內地過度醫療的情況，從根源改變當地的醫院文化，更直指不覺得內地醫院「睇病貴，睇病難」，認為香港才是真正的「睇病貴，睇病難」，更直指「香港醫療系統係全中國最社會主義，你諗吓係唔係？個個（病人）都預咗唔使畀錢；醫生『做又三十六，唔做又三十六』，我哋工資系統真係『做又三十六，唔做又三十六』！」
「天鴿呀！我呢世都會記得佢！」超強颱風「天鴿」去年襲港，人人留在家中避風，盧寵茂卻駕車來回皇崗口岸及深圳灣，排除萬難上深圳「考試」：「醫院評審係對醫院管理同質量安全，係一個重要過程，其實醫管局突然話唔做醫院評審，我自己有啲失望。」
換肝權威盧寵茂兩年前轉到香港大學深圳醫院任職院長，他多次強調港深醫院身負重大使命，率先改革，希望影響其他內地醫院。就醫療改革，他列出三大重點包括提升醫生診費、打包收費（港稱套餐式收費）、設立網上預約系統。
提升內地醫生診金 建立專業價值
內地看病除基本診金外，檢查，藥費需要額外加錢，港深醫院設立打包收費，提高收費透明度。內地過去看醫生因為有醫療保險，所以診費低於20元。因為診費過低，內地醫院財政緊絀，醫生的薪酬微薄，醫院需要依靠其他服務額外收錢去做到收支平衡，包括檢查、手術額外付費；醫生亦有收取紅包及藥品回扣（醫生暗中收取藥費的利潤）的習慣。盧寵茂認為必須提升醫生的專業價值，把診金大幅提升至100元，同時提升醫生薪金，當中七成是基本工資、三成是按績效而定的獎金。不容許醫生接受藥物回扣及收取紅包，確保以病人利益為優先且改善醫患關係。
加入績效獎金 提升內地醫生效率
香港醫生薪金按職級而定，盧寵茂直指「香港醫療系統係全中國最社會主義」，「你諗吓係唔係？個個（病人）都預咗唔使畀錢；醫生『做又三十六，唔做又三十六』，我哋工資系統真係『做又三十六，唔做又三十六』！」他指獎勵制度有助提升醫生的效率，同時改善醫療過程的系統，例如照超聲波，在上一位病人檢查時，非醫護人員確保下一位病人已更換衣服等待，減少當中等待的時間，提升效率。
多個改革同時進行，部份改革開始過急招來攻擊，例如把診金大幅提升被指是貴族醫院，但盧寵茂卻指：「Failure is not a shame（失敗並不是恥辱）」他承認不希望失敗，但不可以害怕承認錯誤：「我哋呢間醫院唔係百分百用香港制度，我哋係要汲取香港嘅優點，融合內地嘅優點。」
港深醫院過去六年的門診總診療人次及出院人次一直穩步增長，可點擊下圖了解：
香港醫療系統係全中國最社會主義，你諗吓係唔係？個個（病人）都預咗唔使畀錢；醫生「做又三十六，唔做又三十六」，我哋工資系統真係「做又三十六，唔做又三十六」！
香港是真正的「睇病貴、睇病難」
內地難常被指「睇病貴、睇病難」，盧寵茂就不太認同，他指內地有醫保，港深醫院又以打包形式收費，看病並不貴；而內地看專科亦絕對不難，因為他們看急症及專科亦不需要等待：「香港約個專科等三年。呢度？呢度無人接受等㗎，唔好講三年、唔好講三個月，三日都無人等，因為佢地可以自己選擇去唔同醫院。」盧又直言，香港私家醫院收費不受管制才是「睇病貴」，專科門診輪候時間長才是真正的「睇病難」！
為成為國家三甲醫院 「天鴿」期間親載同事到醫院
香港的醫院認證計劃於2009年推出，至今年10月醫管局終止與澳洲機構合作的醫院認證計劃並研究引入另一套認證。盧寵茂對決定感到失望，直指醫院評審對醫院管理及質量安全十分重要。而港深醫院已獲「澳洲醫療服務標準委員會」ACHS頒發醫院認證，以及國家三甲醫院（內地等級最高醫院），盧寵茂更指為考三甲，不惜在去年超強颱風天鴿襲港期間，親自接載同事到港深醫院：「十號風球我地約咗一班三甲專家做指導評審，專家打風都由廣州落嚟，無辦法，我地一定要上去。」
「天鴿呀，我呢世都記得佢！」全因當日以為深圳灣口岸已關閉，轉到皇崗口岸後，原來深圳灣沒有關閉，迂迴曲折回到港深醫院，所有同事安全到達，最後順利通過測試：「有少少奇蹟㗎，一間咁年青嘅醫院，仲要我地真係由唔識，恐懼去到開始理解，再到參與，最後我話俾你聽，而家我地係愛上了三甲。」
港深醫院是盧寵茂的Dream Hospital （夢想中的醫院），他自稱曾參觀世界各地不少醫院，但從未見過像港深醫院一樣現代化及人性化，他指醫院由內地醫院設計師孟建民設計，在設計時已考慮到方便醫護人員的設計，包括自動運送藥物的軌道。盧直指：「香港搵唔到專起醫院嘅人才，香港醫院一舊、兩舊塞入去，瑪麗醫院條橋斜嘅，推病床好危險，中國就係有人才！」
