如果說香港是不夜城，很多人都會想起維港兩岸；但其實在海岸的另一隅，有一個地方亦是24小時無間斷運作，講的是葵青貨櫃碼頭。
這個佈滿重金屬機器的地方滿是神秘，香港國際貨櫃碼頭前線操作經理葉國君則形容是一個「機械人樂園」，在這兒工作35年，他坦言跟同事建立的兄弟情是其多年來一直堅持的原因。

佈滿「大手」的貨櫃碼頭儼如「機械人樂園」，這是吸引君哥當初入行的重要原因。（鍾偉德攝）

近年香港興起一輪美景「打卡」潮，在黑夜中依然燈火通明的貨櫃碼頭同樣成為「打卡位」。這日記者走進了這個充滿神祕感的地方，感覺有如一次冒險，經過九曲十三彎的路徑、穿過大型的吊臂，和堆滿四周的貨櫃後，終於到達葉國君（君哥）的辦公室。

一身螢光衣的君哥熟練地教導大伙兒穿好安全衣、戴好安全帽，口中總是唸着「安全最重要」，及後再帶領一行人上車前往遠洋船邊做訪問：「碼頭好大，我哋都要靠車先可以去到唔同嘅地方，以前就慘啲，無咁方便只可以行。」由碼頭入口到靠岸的一端只可以步行？「係啊，可能都有一公里。」君哥答道。

「龍車」底部的道路，君哥這些年來來回回走了數不清多少公里。（鍾偉德攝）

80年代入行的他都曾經走過無數的一公里：「以前覺得呢度好多機器、好得意，好似個機械人樂園，又咁啱有朋友話入嚟做，所以就加入咗。」當年19歲的君哥恰巧步入了香港航運業的黃金時代。

「初初入嚟我係做橋邊理貨員，一開始都驚㗎，啲吊臂又吊嚟吊去，機器又大大舊咁；但後來慣咗就覺得啲嘢愈來愈細。」由陌生到日漸熟悉，君哥說起以往的工作都不掩興奮：「後來我就開始喺吊機旁邊畀啲指示，開頭係傳啲紙仔，話畀機手聽要吸咩櫃，嗰時都仲未有對講機，要靠打手號同佢哋溝通。」

碼頭幅原甚廣，現時會有巴士接載工人，貨櫃與貨櫃之間偶爾會見到巴士站的蹤影。（鍾偉德攝）

80年代的種種逐漸被科技淘汰，以往的紙條和手號已被現時的對講機和超級電腦所取代，君哥亦在1997年獲升至管理層的職位：「嗰時有做值班經理實習生嘅機會，我真係大開眼界，因為以前都係睇前線嘅一小部分，依家就睇成個碼頭流程嘅運作。」

君哥在碼頭工作超過35年，自言最喜歡員工之間的兄弟情。（鍾偉德攝）

由前線走進管理層，大概最難是要學習放手和退下來的過程：「當時都有啲迷惘，所以就用咗家長式嘅管理，好彩後嚟有師傅提一提話要改變一下，溝通多啲了解多啲，要畀前線嘅同事明白點解你要咁做。」君哥娓娓道來。

在碼頭不同的崗位「溝通」超過35載，君哥又覺得這兒是一個怎麼樣的地方呢？「外界好多人都會覺得呢度（貨櫃碼頭）好神秘，但我就覺得呢度係一個好有兄弟情、好似大家庭式。」

24小時無間斷的輪更，他坦言如非有情大家也許撐不下去：「辛苦係經常，尤其是大家咁長時間工作，但最重要嘅係你用心聽佢哋呻，一齊再食下飯，傾下講下大家又可以再努力工作。」

走進機械人樂園35載 貨櫃碼頭前線操作經理君哥：我鍾意呢度有情