一對一教曉你用淘寶 以後買嘢唔走寶

網購攻略
網購攻略
撰文:
最後更新日期:

成日見到身邊朋友都用淘寶,入手各種優惠產品,「雙十一」「雙十二」見過又未參與過?今日就等小編一對一,教你點樣淘寶啦!

【電腦版】

1. CLICK入去淘寶網頁,你會見到「免費註冊」CLICK落去

(淘寶截圖)

2. 去到「設置用戶名」填上手機號碼,取得驗證碼。

3. 跟住就可以填寫番「密碼」、「電郵」同「登錄名稱」

*記得密碼資料要保密,唔好亂咁透露俾其他人知啊!

(淘寶截圖)

4. 見到𠵱個「註冊成功」畫面就代表成功註冊!

(淘寶截圖)

5. 跟住就可以去「我的淘寶」,揀「收貨地址」填寫將會收貨嘅地址,填完記得「保存」!

6. 開心去SHOPPING啦! 

7. 記得留意下每間鋪頭嘅優惠,係購物車到拎埋!決定落單個時揀番自己心水嘅産品,然後「結算」!

(淘寶截圖)

8. 再睇多次自己決定要買嘅產品,以及收貨地址係咪正確,然後「提交訂單」!額外提提你如果選購多件貨品可以考慮使用淘寶官方集運嫁!

(淘寶截圖)

9. 現時香港可以選擇4種方法去付款,包括支付寶,八達通,信用卡同PPS,每種付款方式嘅收費都有唔同,你可以按照需要去選擇適合自己嘅付款方式!

(淘寶截圖)

10. 成功付款就會轉跳到另一畫面,咁就成功淘寶啦!

(淘寶截圖)

11. 如果擔心件貨唔知去咗邊到就可以去「我的淘寶」,「待收貨」入面「查看物流」CHECK番件貨去到邊到啦!

(淘寶截圖)

【手機版】

手機版嘅使用方法都喺大同小異,小編都一對一咁話你知可以點做啦!

1. 下載「淘寶app」,選擇「我的淘寶」註冊番一個帳戶,如果已經申請咗就可以直接LOGIN

2. 如果使用淘寶APP作申請帳戶,記得喺右上角「齒輪圖樣」去設置番「淘寶簡稱」同「地區設置」,唔好忘記喺「帳戶與安全」設置登入密碼!

3. 同樣地可以去SHOPPING啦!

4. 喺「購物車」剔選要購買嘅物品,然後「結算」!

(淘寶截圖)

5. 確認多次訂單,然後「付款」,留意番手機版只可以使用支付寶進行付款!

(淘寶截圖)

6. 同樣成功畀錢之後就可以喺「我的淘寶」上嘅「待收貨」睇番物流進度!

(淘寶截圖)

電腦版同手機版嘅淘寶,可以方便你唔同時間都可以網上購物,跟足以上步驟立即去淘一淘寶啦!



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。