網購衫褲鞋物Size要點揀?

網購攻略
網購攻略
撰文:
最後更新日期:

有時上網買衣物經常遇到嘅一個煩惱就喺,到底Size要點揀???喺冇得試上身試上腳嘅情況下,究竟可以點樣精準揀岩自己嘅Size?今日就等網購達人教你幾個小Tips助你解決煩惱!!

衣服:

喺產品頁面嘅「寶貝詳細」中,大部份都可以搵到詳細嘅衣物尺寸資料。資料一般包含衣長﹑肩寬﹑胸圍﹑腰圍等,大部份都以厘米(cm)顯示。咁樣你就可以度下自己嘅尺寸,睇下適合邊個尺碼喇。

【618淘寶Mid-Year Sales】 限時優惠,必搶紅包,立即按此連結去逛逛!

(淘寶截圖)

 

細心嘅商家仲會比埋建議穿著嘅體重或者身高作參考。以呢件衫為例,例如體重80-90斤的話,就建議著S碼。

(淘寶截圖)

 

另外,有啲店舖都會列出試著Model嘅身高﹑體重﹑三圍,同埋穿著嘅尺碼作參考。

(淘寶截圖)

鞋:

(淘寶截圖)

鞋可以根據碼數﹑cm去參考,但係唔同鞋款,例如波鞋同高踭鞋嘅size都會有分別。所以用cm去考量基本上喺會準啲!波鞋一般會預鬆少少,因為要著襪;而高踭鞋﹑涼鞋等等就要啱啱好貼腳先好睇。建議可以搵返自己著開嘅鞋,去睇返佢嘅鞋長,咁就可方便參考知道咩size啱自己著啦。

褲:

(淘寶截圖)

褲嘅尺碼就分得更仔細,一般包括腰圍﹑臀圍﹑大腿圍﹑腳口圍﹑褲長等等。量度好自己合適嘅size後,你仲可以參考褲嘅物料,例如厚度﹑彈性等等。如果喺比較有彈性嘅物料,咁就可以選擇一個較貼身啱啱好嘅size喇。

最後,睇商品嘅買家評論都好重要㗎!好多買家都會分享自己嘅網購經驗,可能會建議其他買家點樣選購size, 例如有時鞋嘅尺碼可能偏鬆或偏細。買家可能都會分享呢啲有關嘅意見,所以呢啲實用嘅評論都好值得參考吓。

 



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。