《 淘寶小資女 》有好身材不怕露 歐美風淘寶店推介!

網購攻略
網購攻略
撰文:
最後更新日期:

小學姐介紹咗咁多篇,全部都偏向韓風小清新,今次就想為各位魔鬼身材嘅學妹們介紹一下歐美風淘寶店啦。你地知啦,香港想買歐美風既衫離不開個幾間大型連鎖店,雖然總有一間係左近,但係會有同人撞款嘅風險。入得嚟小學姐專欄,姐係想搞又平又特別嘅款啦,事不宜遲,拉落去睇推介吧!

1)FIVE GIRLS AA歐美潮 

屬於歐美風入門嘅學妹們,不妨撳入去睇吓,因為有好多歐美基本款,而且價錢唔算太貴。比出邊大型連鎖店嘅都平啊。

👉立即進店逛逛👈

V領鏤空高腰短款短袖針織衫開衫上衣 ¥57.9 

作為一個魔鬼身材嘅學妹,就算着件u記T恤都可以見到性感線條,所以性感嘅基本款係必要嘅。當然出街着得比較歐美,但又唔想太性感,可以選擇低胸露肚臍嘅短袖款,配番條高腰嘅牛仔褲,短褲長褲都冇問題,反正着咩都遮掩唔到你條長腿。呢一款仲係針織料,有少少暗花紋,平凡得來又唔單調。推介!

👉按此經「一網打盡」購買額外賺01積分👈

性感緊身修身包臀連衣裙 ¥49

講得性感嘅衫點可以少咗包臀連身裙!包臀連身裙令到你身體線條顯露無遺,係歐美風必入手item之一,平時着出街配對波鞋,夜晚去飲嘅就配對高跟鞋,一件衣服兩個風格。小學姐家最多嘅裙一定係包臀連身裙莫屬。

👉按此經「一網打盡」購買額外賺01積分👈

2)過渡性感ZON

如果想揀歐美風嘅平價衫嘅話,呢一間最適合你不過。事關呢間舖入面性感嘅衫比例會較多,買去蒲着都可以嘛,比較適合熱愛性感風嘅學妹。但今次小學姐就介紹下性感入門款先啦,想睇性感嘅就入去店睇啦。

👉立即進店逛逛👈

性感蝴蝶結綁帶裹胸 ¥29.9

呢件top真係超抵玩,只係¥30!而且仲要有款,好多顏色選擇。呢種top其實可以顯得女仔嘅胸部比較大,腰形嘅線條都可以修得比較好,重要係可以遮到副乳𠻹!配番高腰短裙都一樣可以有種型格嘅歐美風。

👉按此經「一網打盡」購買額外賺01積分👈

鏤空刺繡連衣裙花邊 ¥69

外國女神最愛嘅連身裙。隨意上IG望一望,都見到歐美嘅女神着呢種連身裙然後喺沙灘上面擺pose,又或者係一間好靚嘅酒店入面影相。我哋亞洲人都一樣可以!呢條連身裙已經好特別,咩都唔使加已經好有味道。如果你有一把長嘅卷髮,咁就更perfect了!

👉按此經「一網打盡」購買額外賺01積分👈

3)鲤魚小姐 (1個金皇冠) 

呢間可以話係我咁多年見過最多款嘅淘寶店。多款到幾個鐘到睇唔完。所以真係可以話淘寶淘寶,喺呢度真係隨時淘到寶。雖然佢啲相唔算太靚,但係全部都好真實,好清楚。

👉立即進店逛逛👈

彈力抹胸上衣+高腰長裙兩件套 ¥39

呢一套重點係價錢只係¥39!相唔相信係一件top再加一條長裙,即係平均20人民幣一件!仲要有型有款,着出嚟超靚,小學姐已經打算入手一套。手上加番個草袋再配番對涼鞋,如果去旅行嘅時候加一頂草帽,影出嚟嘅相都會靚好多啊。

👉按此經「一網打盡」購買額外賺01積分👈

雪紡露背吊帶連衣裙 ¥45

睇到呢一套即刻諗起去泰國旅行嘅時候一定要買,首先佢嘅花紋好民族風,而且小學姐非常愛佢呢一個露背款!前面冇嘢露唯有露下後面啦,呢條連身裙嘅長度係大腿中間,所以唔會顯得隻腳好短,而且仲要係橡筋腰,可以自己拉上少少着都冇問題。

👉按此經「一網打盡」購買額外賺01積分👈

4)棉寶寶2014 (2個藍皇冠) 

如果你鍾意碎花嘅歐美裙,可以入嚟搵吓有咩啱你地。因為呢間較多碎花連身裙,但價錢比出面平一大半!如果咁啱你要去渡假嘅話不妨選擇一下碎花嘅items!

👉立即進店逛逛👈

碎花一字肩修身連衣裙 ¥49

講到歐美款點可以冇紅色嘅items,歐美女神最愛嘅平口領。可能因為佢哋胸部較大,就算着平口都唔會顯得胸細,我地都唔可以輸比先天較優勢嘅佢哋。着呢一種平口領嘅最緊要用一個Push up bar,咁樣胸型就唔會太平坦。仲可以帶一條鎖骨長度嘅頸鏈,畫龍點睛。

👉按此經「一網打盡」購買額外賺01積分👈

田園無袖露背蝴蝶結碎花連衣裙 ¥49

做歐美女神點可以冇一件深Deep V嘅衫,就算影下相吸下晴都好。而呢一件衫前面又有看頭後面又有看頭,可以話一條連身裙可以影幾張相嚟呃like! 而且藍白色好容易着到皮膚顯白,而且只係¥49,畀咗錢都唔會唔捨得。

👉按此經「一網打盡」購買額外賺01積分👈

5)草编包包(4個鑽石) 

小學姐又買過呢一間嘅手袋,所以覺得好值得我推介畀大家。首先佢寄貨速度快,我嗰間中運站好快收到,其次嘅就係佢嘅袋同相一啲分別都冇,而且質量都唔錯,今年大熱嘅草袋款佢都有𠻹!

👉立即進店逛逛👈

手工編織包 ¥38

呢一款小學姐買咗番來,容量大不單止,肩帶位唔會成日滑落嚟,而且咁大個圓形草袋好易襯,着條連身裙再加呢個袋,已經可以好有風格。有好多顏色,小學姐買嘅係卡其色,但係覺得圖中嘅咪杏色都好好睇。其實呢種草袋亦都好襯牛仔褲,除咗平時出街,去沙灘都可以用呢種袋𠻹㗎,夠方便!

👉按此經「一網打盡」購買額外賺01積分👈

編織手提包 ¥45起

比較日系風嘅手袋款都有,呢種畀我嘅感覺係偏向日本田園風。佢有兩個size,覺得細同大都好好睇,佢大size嘅款有肩帶位,可以手拎或者上膊。而且佢仲有一個抽繩位喺入面,就唔驚俾人偷嘢啦!

👉按此經「一網打盡」購買額外賺01積分👈

(產品資料以最新官方發佈為準)
(文章純屬作者個人意見,不代表香港01立場。)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。