盤點三大紅遍歐美護膚品牌!平價 全天然 效果強 護膚界的三股清泉

網購攻略
網購攻略
撰文:
最後更新日期:

近呢幾年來,日韓護膚品大行其道,而佢哋之所以會咁流行,大多數都贏在價格優勢上!而歐美護膚品亦逐漸地被人冷落,慢慢遺忘。歐美護膚品嘅實力當然係眾所周知,譬如係Lancôme小黑瓶、Estée Lauder小棕瓶、La Mer面霜等等,網絡上都係一面倒嘅好評。不過礙於價格關係,令唔少姊妹即使想擁有都會有所卻步。所以,小編今次要嚟同大家介紹以下三個喺歐美都非常火紅嘅「實力派」品牌,全部都屬於價格親民、效果顯著、口碑好,絕對不可不知。

1)FARMACY

FARMACY風靡全美,亞洲區內嘅討論度都相當熱烈,更被網民封為「斷貨王」,皆因FARMACY嘅皇牌產品已經賣到常年斷貨,可謂「一貨難求」。FARMACY係來自美國嘅全天然有機品牌,於2014年成立,品牌主打「全線產品100%全天然」。而有趣嘅係品牌創辦人正正係一名農民,擁有自家農場、自家工廠。所以佢對產品採用嘅材料都特別執著,全部原材料都源自於自家農場,真正無人工防腐劑、香精色素、礦物油及其它亂七八糟的添加物,對皮膚無害,即使係敏感肌及孕婦都啱用。

FARMACY 皇牌產品

Honey Potion Renewing Antioxidant Hydration Mask 蜂蜜面膜

賣到經常大斷貨嘅產品就係FARMACY嘅蜂蜜面膜,含有氨基酸、蜂王醬、蜂蜜及紫錐菊GreenEnvy™(FARMACY獨家專利植物,有效抗氧化、阻止皮膚老化、增加皮膚光澤)。而呢款面膜集保濕、修復、煥顏三大功效於一身,質地及味道與蜂蜜相似,上臉後需要輕輕用手指按摩發熱,然後會慢慢乳化成乳白色奶油狀。敷完十五分鐘後會立即見到膚色變得均勻明亮,皮膚變得嫩嫩滑滑,熬夜後急救之選!

Green Clean Makeup Meltaway Cleansing Balm 卸妝膏

第二款「斷貨王」產品就係Green Clean卸妝膏,呢款卸妝膏來頭唔細,曾於2017年獲得全美最具權威性美妝媒體《Allure》嘅美妝大賞,亦被網民譽為「EVE LOM 卸妝膏」嘅平價代替版。事關Green Clean卸妝膏都俱備護膚功能,內裡蘊含木瓜提取物以及紫錐菊,有強大嘅抗氧化功效,卸妝同時可以溫和地去角質,洗走多餘油脂。雖然係較溫和嘅卸妝膏,但清潔力都相當穩妥,乳化過程非常快,只要按摩幾吓就瞬間乳化,令卸妝過程更快更方便。清洗完後臉部都唔會乾燥又緊繃,乾性或油性肌膚都適用。

+2

2)First Aid Beauty (FAB)

First Aid Beauty (FAB)同樣來自美國,創辦人自小就受敏感肌困擾,從而激發到佢後來自立門戶,創立真正敏感肌、濕疹人士都適用嘅天然親膚品牌。所有產品都係「三無」— 無人造香料、色素、酒精,一律經過臨床試驗,獲得皮膚科專家認可,簡直係敏感肌們嘅救星,急救法寶。

✨First Aid Beauty (FAB)皇牌產品✨

First Aid Beauty Ultra Repair Cream 強效修復面霜HK$262.5

若果你都屬於敏感肌,必定體會過經歷皮膚過敏時嘅沮喪感及無力感,任何護膚品都唔敢搽上臉,怕會刺激皮膚,繼而惡化。而FAB嘅皇牌產品—強效修復面霜,全球平均每20秒就售出一件,於2016年更榮獲美國《Allure》美妝大賞,人氣極高。

強效修復面霜成份天然,富含受FDA認証的高濃度燕麥膠、桉樹及乳木果油,特別適合皮膚極度乾燥、甩皮、痕癢時使用,修復力及保濕力極佳,可以迅速為乾燥不堪嘅肌膚深層保濕,回復健康狀態。面霜質地豐富綿密,易推開,搽上臉後保濕但不黏笠,強烈推薦敏肌感、濕疹肌及沙漠大乾肌姊妹務必入手一件放喺屋企看門口。價錢都係相當良心價,大大一罐有足足170g,但都只需HK$262.5,真係搽多啲都唔怕心痛。😝

3)The Ordinary

The Ordinary稱得上係護膚界嘅一股清流,由前年開始已經越嚟越多人認識,唔少學生同小資女都大愛呢個品牌,關鍵就勝在價格超級平價、效果卻驚人地顯著、護膚品選擇極多元化,幾乎任何膚質人士都可以搵到適合佢嘅產品。

The Ordinary係來自加拿大嘅平價護膚品品牌,專攻「功能性護膚產品」,主打高濃度有效成分,成份簡單直接,直接到每樣產品都係以成份名稱命名,每件產品嘅主打成份都清晰可見。而最有趣嘅地方在於每位消費者都可以根據自己嘅膚質、膚況、需求去選擇護膚品,DIY搭配出唔同護膚組合,以達到最適合自己嘅效果。

✨The Ordinary 皇牌產品✨

The Ordinary " Buffet " Multi-Technology Peptide SerumHK$131

The Ordinary嘅產品多不勝數,若果想要親自搭配護膚品組合都需要些少花時間做吓功課。如果你懶得慢慢揀,不妨直接入手Buffet!Buffet主打全方位抗衰老、修復,有Estée Lauder Advanced Night Repair平價替代版之稱

想必大家都試過熬完夜後,第二朝皮膚立即變得暗淡無光、膚色不均勻、膚質乾燥又粗糙。如果長期使用Buffet就唔使再怕,事關Buffet擁有多種肽復合物,同埋11種對皮膚友好嘅氨基酸,重點對抗老化問題,持續使用後會發現皮膚異常光滑、細紋減淡、毛孔收細。

以上三大品牌都可以喺英國大型護膚品網站「Lookfantastic」買得到,價錢實惠。咁以後想買歐美護膚品就唔使左撲右撲搵代購,仲要捱貴價嚕😍!

🔻優惠碼詳情(按圖放大)🔻

提提你❗❗ 𠵱家無論消費幾多錢,只要喺埋單時輸入優惠碼【FRESH】,即可享有82折😍!如果購物滿HK$650就可以升級至8折!

🔻香港地區送貨服務詳情(按圖放大)🔻

買任何產品(不限金額)都可以享有免運費嘅一般送貨服務,需時5-10個工作日。
但凡購買滿HK$600就可以縮減送貨時間至4-9個工作日!

👉立即前往Lookfantastic逛逛👈

(產品資料以官方最新發佈為準,價錢最後更新至2020/01/09)



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。