【媽媽的使命】星級靚媽姚嘉妮憂子女變大近視:近視控制要及時!

親子
特約內容
撰文:
最後更新日期:

暑假轉眼過了一半,各位爸媽跟子女放電大玩特玩之餘,有沒有為快將開學做好準備?靚靚星媽姚嘉妮(Claire)近日就發現囝囝Kyros會瞇眼看東西,開始擔心囝囝會否似老公般變成大近視。為了囝囝眼睛健康著想,開學前安排他進行視力檢查。經視光師分析及建議後,她為囝囝選配了兒童近視控制鏡片,踏出近視管理第一步,因為她深信近視需及早控制,才能守護囝囝眼睛健康。

攝影:黃舒慧

不經不覺Claire出道已有廿年,看起來與廿年前選亞姐時沒兩樣,她笑說保養得宜全靠一對子女令她充滿活力。她與老公林祖輝育有大女兒Kyra(10歲)及兒子Kyros(7歲),「我係一個好有責任心嘅人,就算工作幾忙,照顧囝囡我一定要親力親為!」她說媽媽最重要的使命就是保護小朋友,「要盡全力確保囝囡健康成長,先安頓好佢哋先會安心諗其他事。」儘管工作排山倒海,Claire都堅持親自送子女上學,爭取見面時間。「我從未試過多過一日冇見對囝囡!」

Claire與一對子女親密融洽,現場拍攝所見,囝囝Kyros亦特別倚靠她。「係啊,兩個囝囡都好痴我,可能知道我會安排好多戶外活動畀佢地玩,唔駛留喺屋企咁悶啦。我覺得多啲曬太陽,健康啲又開朗啲,好過成日對住電腦或電話嘛!」

提到電子產品,Claire說子女跟現時很多小朋友一樣,只要手執一部電話就能玩一整天,而且科技日新月異,讀書都需要用到,實在無法要他們不接觸電子產品,令她份外擔心子女的眼睛健康。「零近視嘅我一直好小心護眼,但呢一年自己轉型做KOL,多咗對電腦,雙眼容易疲勞!而且囝囡正值發育期,又要成日對電腦、電話,就更加怕佢哋會變大近視。」Claire直言送子女上學時見到很多戴眼鏡的同學,加上老公本身有極深近視,特別擔心老公深近視會遺傳給子女。

近日發現Kyros會瞇眼看東西,玩平板電腦愈來愈埋,難怪媽媽Claire會擔心他是不是有近視。

為了子女的眼睛健康,Claire會定期帶子女驗眼,一旦發現他們有任何視力問題便可盡早對症下藥。另外,一有空便帶他們去戶外玩樂,「我會盡量減少囝囡對電腦同電話嘅時間,多啲戶外活動、多望綠色物件都可以放鬆雙眼,預防近視。」Claire明白即使做足預防措施,亦未能確保子女視力不會出現任何問題,所以平常亦會非常留意子女的舉動。「剛剛喺加拿大玩完返嚟,發覺Kyros成日瞇起眼睇嘢,睇書、玩電話都愈放愈埋,擔心佢有近視,所以即刻帶Kyros去眼鏡88驗眼。」不出她所料,視光師指囝囝患有淺近視。

Claire主持節目時訪問過好多眼科醫生,深明小朋友近視度數可加不可減,需要用方法控制近視。「6至12歲係小朋友發育期,近視容易加深得快,冇好好控制就會變成深近視,更加會增加患上其他眼疾嘅風險,影響小朋友未來眼睛健康。」Claire亦了解市面上有不同控制近視的方法,包括眼藥水、硬或軟性隱形眼鏡,以及近視控制鏡片。「作為父母,喺揀這類產品時,除咗成效,最緊張係安全問題,怕有後遺症,會影響小朋友健康。眼藥水始終要滴入眼,你唔清楚有冇副作用;戴隱形眼鏡小朋友太細個又未必處理到。」

Kyros與媽媽一起揀眼鏡。

相比之下,Claire選擇近視控制鏡片。「聽完眼鏡88視光師詳細嘅講解再衡量過幾款近視控制產品嘅優點同缺點,我會揀HOYA同香港理工大學共同研發嘅兒童近視控制鏡片。一來有臨床實驗數據支持,成效有保證;二來係非入侵性,既安全又容易適應,小朋友都會處理到。」愛護子女的Claire提醒各位媽媽:「我知道唔少家長都認為囝囡有近視戴眼鏡睇得清楚就得喇,但既然都要戴眼鏡,點解唔幫囝囡揀副可以控制近視嘅眼鏡呢?一般鏡片只係可以矯正視力,並唔可以控制近視及減低患上各類眼疾嘅風險。作為媽咪,我寧願行多一步將最好嘅畀囝囡,等佢地將來都唔洗變大近視或者經常要換眼鏡。」

HOYA兒童近視控制鏡片

HOYA兒童近視控制鏡片與香港理工大學共同研發,於去年四月「瑞士日內瓦第四十六屆國際發明展」中勇奪全場總冠軍、特別大獎及評判特別嘉許金獎三項大獎。鏡片採用最新近視控制D.I.M.S.原理,經兩年臨床證實有效控制近視加深,更是非入侵性,安全可靠,可大幅減低因深近視影響眼睛健康的風險。*

真實個案1:梁愷晴(13歲)

近視度數

參加臨床實驗前

三年臨床實驗後

右眼:

-2.25

-1.75

左眼:

-2.25

-1.50

梁愷晴家長分享:
「一開始對它控制近視的成效沒有抱很高期望,殊不知佩帶了3年,女兒的近視仍然維持在200度以內,那副眼鏡從開始就一直不用換,真是喜出望外。」

真實個案2: 黃迦諾( 13歲)

近視度數

參加臨床實驗前

三年臨床實驗後

右眼:

-2.25

-2.25

左眼:

-2.50

-2.75

黃迦諾家長分享:
「完成臨床實驗後仍會繼續使用,因為只須佩戴眼鏡便能控制近視,方便又安全。」

產品資訊:https://bit.ly/2TxjXj9
全線OPTICAL 88有售,歡迎親臨向視光師查詢:https://bit.ly/2OTl268

*資料及個案由客戶提供


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。