【新冠肺炎】孫慧雪與李君妍同廠錄影　與兒子分開自我隔離14日

藝人李君妍的姐姐早前確診新型冠狀病毒肺炎COVID-19，她的工作夥伴孫慧雪因此決定自我隔離十四日 。日前孫慧雪於社交網站報喜，表示接受首個快速測試，結果是呈陰性，不過就依然要繼續隔離，還表示好掛住囝囝！

藝人李君妍的姐姐早前確診新冠肺炎，與李君妍一起拍攝節目《姊妹淘》的孫慧雪在Insatgram表示，「我同佢（李君妍）工作咗三日，冇戴口罩，仲一齊介紹食物時共同分享食物」，因此轉至酒店自我隔離十四日。

孫慧雪日前在社交網站報喜，表示自己早前進行第一個快速測試，結果呈陰性。「算係一個好消息，雖然而家太快測並未準確，所以為咗大家安全，我會繼續自我隔離，並進一步做唾液檢測，好多謝關心我嘅朋友們，我嘅好朋友們甚至話要嚟攞物資俾我，話佢哋唔驚，我當然無俾佢地咁做啦！我真係好多人𡃶呀！我ok呀！想話你哋知唔駛擔心我呀！」