港媽忙工作無暇湊仔 呷醋仔仔黐工人崩潰喊:好sweet好似兩母子

撰文:螢火蟲
出版:更新:

香港家庭大多都是雙職父母為主,會另外聘請外傭來照顧孩子。近日,一位在職港媽於社交平台分享辛酸經歷,指為了讓兒子有更好的生活環境和資源而買樓,但工作壓力甚大,甚至要經常加班,錯過與兒子相處時光。結果孩子愈來愈親近工人,令媽媽心有不甘,呷醋爆喊。

見仔仔攬實工人超崩潰

港媽於網上群組大吐苦水,指自己月入四萬以上,數年前為了兒子升學於何文田購置物業,但後來公司受疫情影響刪減人手,導致事主頻頻加班,無暇與仔仔相處。有天放工回家後打算抱抱兒子,怎料見到令人崩潰的一幕:「打開房門見到阿仔攬實工人姐姐瞓到好稔,好sweet,好似兩母子咁。嗰秒個腦空白咗,跟住啲眼淚自己係咁湧出嚟...忍唔住爆喊,老公扶我返房,安慰咗我好耐。」

工人姐姐「搶」走兒子

事主爆煲大呻委屈難受,指兒子只親近工人:「有嘢就搵姐姐先,夜晚要攬住姐姐先肯瞓, 有時我鬧佢兩句,佢仲會匿喺姐姐後面」更認為自己為兒子辛苦工作的同時,工人卻在家享受,「搶」走了兒子:「個仔我生㗎,而家個仔畀姐姐搶咗咁!」、「有時望到工人姐姐好舒服咁坐喺張梳化度攬阿仔睇卡通,又好親密咁餵阿仔食飯、陪佢練琴,我心入面就酸,好似我辛辛苦苦賺番嚟嘅嘢都係為咗個工人咁。明明係我辛苦賺嚟嘅屋企,點解享受嘅係你,我就喺電腦前面忙到隻狗咁。真心好委屈。」

雖然事主曾打算辭工湊仔,但奈何丈夫的收入未足以支撐家庭開支,日後更打算供兒子到英國讀書,所以只能「頂硬上」。事主感嘆想人生輕鬆、有美滿家庭生活,以及享受中等以上的物質生活,三者卻不能兼得。在萬般心酸的情況下只能發文尋找建議。

好工人難求,仔仔與工人關係好令媽媽又愛又恨。(非當時人,photoAC)

網民籲食得鹹魚抵得渴

不少網民認為事主應「食得鹹魚抵得渴」,事主最大的問題是工作壓力大,因工作繁忙而缺少與兒子相處的機會,應在工作與家庭關係之間取捨:「針冇兩頭利,小朋友最簡單,邊個陪佢多就黐邊個」、「有啲嘢係要交換,你覺得依份工忙到冇晒親子生活,依度供樓咪換第二區,養車貴咪唔要車」。

網民亦認為工人疼愛小朋友實屬難得,籲事主好好珍惜:「其實工人姐姐係無辜的,你應該慶幸佢錫你個仔」、「你有個好工人姐姐先可以安心工作,好工人難求,自己諗清楚。姐姐除咗湊你個仔,應該仲做埋最討厭嘅家務啦,人地真係嚟歎世界?」。

資料來源:FB群組/巴打絲打「13親子育兒」Facebook Club