【溫多娜手記】國泰扭虧為盈 即向每位員工派2000蚊

撰文:
最後更新日期:

國泰航空今日派成績表,公司扭虧為盈賺23億元,除咗向股東增加派息之外,公司亦都向員工發放相當於花紅嘅利潤分成,每位合資格員工獲發2000元。

國泰話,因為舊年大部分盈利係來自附屬同埋聯營公司,國泰和國泰港龍盈利只有2.41億元,如果用以往利潤分成嘅計算方法,同事只有微不足道嘅金額。為咗感謝員工喺轉型計劃嘅努力,所以將利潤分成增加至2000元,作為對同事嘅認同以及感謝。

國泰嘅全球員工有3.24萬人;而國泰和國泰港龍嘅在港員工有2萬人。

國泰喺2016年蝕錢嘅時候,宣布經理級以上員工喺2017年要凍薪;2017年嗰陣,就冇發放花紅。今次業績亮麗,就立即同員工一齊分享成果。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。