吳京終於打入美國？ 同雲迪素稱兄道弟：有非常特別合作
撰文：洪曉璇
出版：更新：
到底中國功夫醒，定外國武術勁？中外都有唔少著名嘅動作影星，不時有網友都想知，究竟佢地放埋一套戲，會有咩化學作用。講到本年度風頭最勁嘅華人影星，絕對非吳京莫屬。呢日《狂野時速》系列監製兼主角雲迪素孖住吳京拍片放上官方社交網站，宣布二人將會有非常特別嘅合作﹗
雲迪素同吳京睇落真係好Friend。(影片截圖)
雲迪素喺19號下晝，於Facebook上載一條短片，並以“Wu Jing... 兄弟... Brother. All love.”為題。短片中見到兩位Friend過夾band，雲迪素用左手箍住吳京條頸，齊齊對住鏡頭。雲迪素用國語連講幾次「哥兒們哥兒們」，不過點講都歪歪地，吳京都笑住話「走音啦。」雲迪素其後轉番英文話，好開心見到好兄弟吳京，好榮幸可以一起工作，接下來將有非常特別的要呈現給大家看。吳京接口話：「You will be watch the new Vin Diesel.」預告大家會見到一個全新面貌的雲迪素。
雲迪素上載短片並加上Caption'Wu Jing 兄弟'。(Facebook圖片)
吳京可以話係中國超級英雄代表。(網上圖片)
吳京憑住自導自演電影《戰狼2》，創下超過56億人民幣票房，更成為首部打入全球TOP 100票房影片榜的中國國產片。佢曾經喺2008年客串《盜墓迷城3》，挾住聲勢再闖荷里活實屬正路。而雲迪素亦非首次與中國演員合作，如《3X反恐暴族：重火力回歸》中，就跟宇宙最強甄子丹，以及小鮮肉吳亦凡同場較勁。宜家同吳京合作，第時出席宣傳活動，大家可以問下雲迪素，究竟覺得甄子丹定吳京好打啲噃﹗
到底會係吳京加入飛車，定雲迪素幫手拯救世人？(網上圖片)
+11