【棟篤特工】黃子華佘詩曼黃金拍檔賀歲 有冇機會打破票房宿命?

撰文:許育民
出版:更新:

講咗好耐,黃子華佘詩曼呢對黃金拍檔合作的新戲《棟篤特工》終於宣布出年同大家賀歲。
雖然子華神的人氣一直高企,無論係賣到600、700蚊的篤棟笑飛,定還是免費收看的電視劇,都大受歡迎,唔係一票難求就收視大爆,唯獨中間着墨,賣70蚊張戲飛的黃子華,就連番失利,票房不濟。今次有埋阿佘幫手,加上海報已率先惡搞007,且看今次可唔可以一雪前恥,承接《國產凌凌漆》後,另一部惡搞《007》的經典。

除了個搞笑紋身,海報亦有不少Details位,例如兩旁有降落傘、飛機、直升機、飛車爆破、潛艇、水上電單車等等,盡攬占士邦電影元素,當中還發現有子華扮貓王,以及戴上一頭電線的騎呢儀器及摔跤動作,劇情豐富。
這是1981年,羅渣摩亞(Roger Moore)主演系列的《鐵金剛勇破海龍幫》 的經典設計。

2008年,子華與阿佘合作的電視劇《絕代商驕》,收視高企,麥提爽同林淼淼兩角更加深入民心。差不多10年後,二人終於在電影《棟篤特工》再聚,戲中子華神飾演特工,阿佘就扮演Madam,角色設定依然係一對鬥氣孖寶。

電影今日率先釋出官方正式海報,設計以占士邦電影為藍本,並選擇了1981年,羅渣摩亞(Roger Moore)主演系列的《鐵金剛勇破海龍幫》(For Your Eyes Only) 的經典設計,一個露半臀的靚女大曬無敵靚腿,而占士邦就在她雙腿之間拔槍。去到《棟篤特工》,概念大同小異,美女換上黑白乳牛圖案比堅尼泳褲,腳踏紅色高跟鞋,看似正正經經,但搞笑在細節,美女大髀位置就紋上「我係佘詩曼」的心型紋身,擺明整蠱阿佘。至於子華,就一身踢死兔禮服配上手槍,非常過癮。問到子華拍攝當日趣事?子華笑說:「估唔到佘詩曼咁都制。」阿佘亦不輸蝕,速回一句:「嗰日子華影poster影得好開心!」看來兩位是要惡搞到底,貫徹始終。

除了影海報,二人還借來古董車影造型照。
拍完成套《衝鋒車》都可以被刪走,據說是題材借曱甴喻蝗蟲有關。(《衝鋒車》劇照)

黃子華的電影宿命?

其實子華都好耐冇擔正拍電影,近年都是客串居多,例如在《暗色天堂》飾演法庭公眾席的市民、《金雞SSS》中的十三少,較多戲份是《失戀急讓》中飾演鄭秀文前夫。其實《衝鋒車》的戲份都多,演一名養曱甴的怪人,可惜因審批問題,最終上畫時全線刪走,只能收錄在DVD。至於做主角又拍好多年的《神秘寶藏》,又係上映一推再推,最新消息是原定的11月檔又可能要延期,真係多災多難。至於子華的舊作票房,《情意拳拳》、《嚦咕嚦咕對對碰》都是票房慘淡,就連他自己都在棟篤笑上不時作為自嘲題材,笑言《嚦》片是他最後一部主演的電影。縱使後來被叫好的《男歌女唱》和《一蚊雞保鑣》,上畫時都是淡淡然一片,大家都是後知後覺。未知今次拍阿佘能否打破宿命,但觀乎近年大家恨睇子華的熱情,相信今次可以突圍!

其實《一蚊雞保鑣》首《不灰鞋》都幾好笑!