【棟篤特工】七年無合作黃子華見阿佘就身痕 「所以係咁畀佢打」

撰文:
最後更新日期:

《棟篤特工》今日(2月4日)假荃灣荃新天地舉行發佈會﹐一眾主演包括黃子華、佘詩曼、C君、專家Dickson都有份出席。現場所見有不少子華神與阿佘的fans,以兩位的號召力加上賀歲劇這個黃金檔期,相信《棟篤特工》有助子華神一洗「票房毒藥」這污名。

子華與阿佘暌違7年再度合作,火花依然四射!

雖然電影仍未上映,但電影主題曲《Final Calling》已經能在網上聽到。作為主題曲的演唱者之一,子華就分享自己本來係唔想唱。「我真係好唔想唱,我一開始表現得好嫌棄,但原來當時作曲人就喺隔籬。佢又即時畀我聽個Demo,一聽又覺得幾好聽。其實欣宜已經唱得好好,我嘅責任只係破壞佢!」想知道子華神如何在破壞中重建一首歌,可以上網聽聽,你會發現子華神把聲一出,會帶來很強烈的衝擊感。

二人在台上不忘開對方玩笑,感情相當不曾錯。(黃浩晉攝)

《絕代商驕》七年後再合作 子華一見阿佘就身痕?

子華神與阿佘在電視劇《絕代商驕》後再度合作,原來一隔已7年。問到久別重逢再合作的感覺,子華就大爆金句:「七年之癢一見到佢就身痕,所以係咁畀佢打。」而阿佘又笑言自己「被欺騙肉身同感情,有幕將佢成個人倒吊,呢家見到佢都想再做。」阿佘雖然放狠話,不過其實口硬心軟,她分享自己拍戲時看到子華浸完水再倒吊,雙眼紅筋暴現,自己也捨不得打下去。「直到導演話你再唔打就要NG啦,我先逼住打落去。」看來二人感情相當不錯,阿佘才沒有偷偷公器私用偷偷洩憤呢!

客串陣容位位天王天后級

《棟篤特工》作為本年的賀歲片,除了幾位主角外,配角及客串陣容都星光熠熠。計有譚詠麟、鄭秀文、吳君如、鄭中基、楊千嬅等,位位都是重量級的天王天后,看來子華應該碌了不少人情卡?「真係要好多謝佢哋,鄭中基捱義氣過嚟拍足幾日﹐吳君如仲制手排埋戲,譚詠麟又唱埋歌。咁除咗監製奮勇邀請之外。我諗佢哋都覺得我同阿佘唔討厭先幫我哋嘅。」都要子華、阿佘平素待人好,一眾演員朋友才會「拍膊頭」幫忙。先前已看到林雪的「訓身演出」相當有笑果,相信客串嘉賓出來的效果也會頗具笑果。

+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。