【金像獎2018】林家棟對男配角獎冇信心　「我睇好對手倉田保昭」

每套電影總花電影人無數的心血才能完成，把完成品放在大銀幕上供大家欣賞。每年香港電影工作者總會都會舉行春茗，讓一眾台前幕後能濟濟一堂，共享晚宴。
而今年春茗在尖沙咀金裝尚品舉行。一眾電影人，包括許鞍華導演、古天樂、毛舜筠、任賢齊、田啟文、鄧麗欣、林家棟、余安安等，現場可謂星光熠熠。

今年春茗由林家棟負責做司儀，他表示今年總會的目標是要推廣編劇，所以會著力推動一些新晉編劇，讓更多人認識。而問到他本人會否想參一腳於編劇界中，他就說：「自己都開始想寫劇本，其實拍拍下就有嘢想講，有嘢想講就有嘢想寫。」大家可以期待看到家棟自己出品的劇本！

今年家棟以《殺破狼．貪狼》提名金像獎最佳男配角，上年才剛獲影帝，今年又有沒有信心儲埋男配集成一套呢？「今年唔係咁有信心，都睇咗倉田保昭嘅《蕩寇風雲》，佢演得好好，同埋佢啱啱先拎咗電影評論學會大獎個最佳男演員。」言下之意都非常看好倉田保昭這位前輩得獎。不過無論如何，都有待一眾評委去投票，家棟也控制不了。