「雷神」唔拍退休後繼有人 基斯咸士禾夫孖仔揸雷神鎚有架勢
撰文：陳穎思
出版：更新：
Marvel磨刀10年大作《復仇者聯盟3：無限之戰》（Avengers: Infinity War，下稱復仇者3）本月尾上映，一眾粉絲等到頸都長，但又怕電影上映後，熟悉的超級英雄如「鐵甲奇俠」（Iron Man）及「美國隊長」（Captain America）等都會離我們而去。澳州男星基斯咸士禾夫（Chris Hemsworth）飾演的「雷神」（Thor）亦曾傳出會退役，不過各位粉絲唔駛緊張，事關「雷神」後繼有人，就係…
雷神與家人在家鄉澳洲過復活節，孖仔拎住雷神鎚玩個不亦樂乎。（視覺中國）
登登登櫈！就係基斯咸士禾夫一對孖仔！日前基斯一家與影星老友麥迪文（Matt Damon）一家，約埋於澳洲新南威爾士歡度復活節。基斯當日身穿黑色背心大騷一雙「麒麟臂」，但都不及孖仔Tristan與Sasha拿著的雷神鎚吸睛。不經不覺孖仔已經4歲，遺傳了父母的優良基因，兩個都靚仔又可愛，不知基斯是否想子承父業，連買俾孖仔嘅玩具都係雷神鎚，見兩兄弟揸住個鎚有型有款，要繼承阿爸衣砵並非無可能。
眨下眼孖仔已經4歲大，當年盛傳基斯在香港拍戲時與太太「造人」成功。（視覺中國）
此外，之前盛傳麥迪文獲邀演出回歸Marvel的《蜘蛛俠》續集奸角「Kraven the Hunter」，但最新消息指他已推掉角色。麥迪文去年神秘客串《雷神奇俠3：諸神黃昏》（Thor: Ragnarok），不少觀眾都期待他加入Marvel大家庭。