【低壓槽】張家輝虛構罪惡之城 苗僑偉慨嘆︰而家做老黑冇晒尊嚴

撰文:
最後更新日期:

張家輝執導的第三部作品《低壓槽》,一直只有推出製作特輯,至於完整的預告就欠奉。直至今日,終於有全新預告見街,除了見到一眾演員登場,當中仲透露戲中的Final Boss原來係一頭金髮的徐靜蕾,而佬味滿瀉嘅三哥苗僑偉,雖然係社團大佬,但就不離本業︰要捉臥底!

上映日期︰5月3日

預告中,三哥有更多鏡頭,擺明好吃重。(影片截圖)

呢句對白,唔知三哥年終要講幾多次。(影片截圖)

電影《低壓槽》今日推出首條預告,故事講曾經是警方臥底的于秋(張家輝 飾),於孤城這個地方執勤,因長期的非人生活令他開始心理不平衡,而一次行動被揭發身份後,要避世好一段日子。時間過去,上司再次找他執行任務,今次目標人物更大,是城中的罪惡首領「老闆」。更惡劣是今次涉及黑警輔助,在內外夾擊下,寸步難行。

「孤城」是電影虛構的城市,亦是罪惡之城。(影片截圖)

【低壓槽】張家輝做導演要求高 「最怕聽到人答我咁唔得㗎喎!」【低壓槽】張家輝第三次執導 苗僑偉元華型佬集結最霸氣剛陽味

家輝哥型就係人都知,但在預告突然以疑似「黑俠」身份出現,就真係好爆。(影片截圖)

在全新預告內,一眾角色紛紛登場,之前一張劇照已令人大叫好有型的三哥苗僑偉,戲中是飾演于秋的黑幫大佬。因為一套《使徒行者》,令三哥在觀眾心目中,成為捉臥底的專家。而首次同張家輝合作都不離「本行」,勢要搵出社團內的臥底,一網打盡。話晒一幫之首,似乎係威係勢,不過預告第一句,就係由三哥講出一句極無奈嘅心底話︰「而家做老黑冇晒尊嚴,淨係幫啲有錢佬去賣命。」可見大佬真係唔易做,好睇唔好食。

「沒有難度的事情」,是否家輝今次執導嘅心底話。(影片截圖)

除此之外,預告仲見到全片嘅Big Boss現身,就係由徐靜蕾飾演嘅宮田惠美子。一頭金髮造型的她,拍攝時一直收收埋埋,只係流出過一張半張現場相,到今次預告,完整造型終於見街,而且戲中同于秋的對話,更是針鋒相對似有弦外之音。

一句「我就是那個神」,徐靜蕾霸氣盡現。(影片截圖)

+9
+9
+9


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。