【復仇者聯盟3】編劇勸影迷及早接受悲傷 「死嘅人真係死去」

撰文:
最後更新日期:

注意,以下內容含劇透。

Marvel超級英雄片《復仇者聯盟3︰無限之戰》上映多日引起全城熱話,一向打不死的復仇者成員,今次在戲中結局悲慘,多名熟悉的角色相繼死去,投下不少催淚彈。不過,似乎不少影迷都相信多名死去的角色都會在《復仇者聯盟4》中復活,仍存有一絲希望。

可惜《復仇者3》及《復仇者4》的兩名編劇Christopher Markus及Stephen McFeely,近日就在《Buzzfeed》的訪問中狠心 地抹煞fans最後一絲期望,明言死去的角色都不會再復活。

《復仇者3》和《復仇者4》兩名編劇Christopher Markus及Stephen McFeely早前接受訪問時,狠心 地抹煞fans最後一絲期望。(影片截圖)

《復仇者聯盟4》同大家想像中唔同 
自從《復仇者聯盟3》上映後,有入場的觀眾相信都無法接受,電影結尾多名復仇者成員及主角都在Thanos彈指間灰飛煙滅,包括蜘蛛俠、奇異博士、紅女巫等等,由於這群死去的,大部分都是大家非常熟悉和受歡迎的角色,所以不少影迷都深信他們會在《復仇者聯盟4》中復活。不過《復仇者3》及《復仇者4》編劇之一的 Markus卻在訪問中說:「《復仇者聯盟》第4集唔會發生大家預期會發生嘅情節,呢部係一部同大家想像中唔同嘅(Marvel)電影,而且死嘅人係真係死。我只係想同大家講,全部都係真實的,愈早接受呢個事實,你就愈能夠快啲進入下一個階段嘅悲傷。」

相關文章【復仇者聯盟3】復仇者生死總整理 《復仇者4》報仇小隊已現身【復仇者聯盟3】隱藏彩蛋揭示復仇者生死 鐵甲奇俠兒子將登場?

《復仇者聯盟3》中的幻視慘被Thanos奪去寶石後慘死。

《復仇者聯盟3》中不少主角在Thanos彈指間灰飛煙滅。

「嚟緊會令大家永世難忘」 
而另一編劇Stephen McFeely則說:「我覺得《復仇者聯盟3︰無限之戰》,以一部賣座電影而言,係一部相當成熟嘅電影,內裡其實好有趣,但各位!嚟緊另一部亦會同樣地成熟,我哋已經有咗明確嘅選擇,就係要行呢個大方向,希望可以令大家有驚喜同喜悅。」

他指《復仇者3》和《復仇者4》由同一家電影製作公司及相同班底製作,而且兩部戲的劇本是同一時間寫,亦是同一時間拍攝,「兩部戲好明顯係互相連繫,但同時又是兩部不同的電影,其中一部主要講述之前發生咩事。」Markus在訪問中更說:「今次我哋傷咗你心,嚟緊仲會令大家永世難忘。」相信大家明年入場看《復仇者聯盟4》時要做足心理準備了。

+7
+6
+5


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。