【復仇者聯盟】IronMan盔甲被盜 網友：咁大件搬走居然無人知？
撰文：洪曉璇
出版：更新：
Iron Man呢件盔甲，紅金配真係相當搶眼。 （網上圖片）
MARVEL《復仇者聯盟3：無限之戰》橫掃全球電影票房，戲中每位超級英雄都有其標誌性造型，無論係美國隊長嘅盾牌、雷神鎚，影迷都爭相希望擁有，玩具店有大把選擇，俾錢買就有啦。不過有人就挺而走險，曾經喺2008年上映嘅《Iron Man》第一集中亮相嘅盔甲驚傳被偷，洛杉磯警方正全力追查呢單失竊事件。
上年情人節有人著起全套IronMan盔甲送花，成為網上熱話。（網上圖片）
【復仇者聯盟3】元祖級成員齊齊紋身留念 獨欠變形俠醫唔肯跟機【鐵甲奇俠10周年】由被嫌棄到票房保證 重溫10個Iron Man冷知識
去年情人節金鐘港鐵站曾經出現一位，著住IRON MAN盔甲、拎住紮花嘅男士，每年萬聖節亦有好多人會扮成超級英雄出去玩。2008年《Iron Man》中嘅盔甲驚傳被偷走，洛杉磯警方指盔甲一直放喺電影道具儲存倉庫，2月份桃查過後，至4月25日再檢查時發現盔甲失竊。呢件盔甲價值32萬５千美金折合港幣超過250萬。
網友除咗諗小偷點搬走盔甲，亦擔心佢嘅偷竊動機，斷估都唔會放上網賣。（網上圖片）
由於呢個電影道具儲存地點相當隱秘，暫時未知小偷點知到盔甲存放喺裡面，而且可以神不知鬼不覺將咁大件盔甲偷走，網友都覺得嘖嘖稱奇，笑言「復仇者聯盟應該搵佢幫手對付Thanos」、「要請佢幫忙找回無限寶石」。洛杉磯警方已經將呢單失竊案列為首要調查案件。
+3