【有片】抽Yes! Card秘技你用過未？　照電筒加Chok卡已經唔Work

講到抽Yes! Card，當年不同玩家都有不少技倆，盡情令手上1蚊的「性價比」無限提升。例如入1蚊偷雞抽多張的「Chok」卡技，又或者用電筒照，照出到底第幾張先到閃卡，但原來這些招數已經不管用。因為當新負責人陳國宙（Chow Chan）接手這門生意後，都加以改良一一導絕。點解佢咁醒？因為佢都抽過卡囉！

一塊鐵片破絕技

有抽過卡的朋友仔，或多或少都會抱住幸運的心態，好想一抽即中心頭好，又好想入一蚊抽到兩張的事出現，因為這呢股心態，出現了「Chok卡」和「照燈」兩大秘技。身為抽卡愛好者的阿宙，當年都有用過，但現在到自己營運，當然要「執番正」啦！

「我小時候抽卡時，會入一元之後逐格逐格扭張卡出來（從中多抽一張）。」這就是「Chok卡」的秘技。另外還有一招是用電筒照卡邊，看看下一張會否是特別卡，係先入一蚊落去。「但幾過多年的改良，這招都不中用了，因為出卡位已經加了一塊鐵片，照入去都睇唔到。」

【某日某月】重出Yes! Card掀熱潮　老闆堅持1蚊張︰係個廉價娛樂【某日某月】回到92年美好時光　電影宣傳復刻四大天王Yes！Card

市面運作的都係廿年前舊機

由於抽卡已經是門式微行業，太花費的改良工序絕對負擔不起，就例如機身外殼，每個都是由PVC膠倒模出來，模已失去，再製作要由頭做起，所以阿宙選擇「借屍還魂」。「Yes!Card機高峰期有過千部，得出的好處是我們還有很多零件，3部舊機的ABC部分，又可以組合成一部D機。所以我們現行所見的都是廿多年前的機身，而我其中一樣工作就是如何翻新部機，噴油、清理污跡等，經營了Yes!Card兩年，我跟每部機都成了好朋友。」

想轉八達通都難

前文講到Yes! Card經營困難，其中一個原因是多年來都冇加價，仍然是一蚊一張。這個決定除了關乎想小朋友都可擁有一個廉價娛樂，更大原因是想加價硬件都配合不來。「有跟我傾營運的人，第一個建議都必然叫我加價，可惜硬件上我們只可以接受一元硬幣，所以極其量都是由一元加到二元。至於八達通，現存600多部機，所牽涉的費用太大，比重新整過部機都要貴，所以都冇得轉用。」