Marvel泰國體驗館美國隊長雷神造型大崩壞 大會急解釋︰專登咁做

撰文:許育民
出版:更新:

數年前已經宣布,將於泰國曼谷開設的Marvel體驗館The Marvel Experience Thailand(泰國漫威基地),一直以來由籌備到動工都大受粉絲們注目,場館將於明天(29/6)正式開幕,早兩日提早開放予傳媒參觀。
當大家極為期待會有咩玩之際,有網民就上傳幾張場館內,供遊客拍照留念的Marvel英雄大型雕塑,造型之簡陋令人側目,更質疑花10億泰銖興建(約$2億3000萬港元),收1500泰銖(約$375港元)入場費,得呢啲水準?由於當地網民反應激烈,事件被洗版,大會急急作出回應指是專登咁設計,是一片苦衷,到底有咩苦衷呢?

場館於昨日舉行開幕禮,吸引各地記者到場採訪。

繼上年釜山開幕的Marvel展館,今年到泰國的The Marvel Experience Thailand開幕,大會表示該場館斥資10億泰銖(即2.5億港元)興建,佔地約兩個標準足球場大,是東南亞區首間英雄體驗館,更聲稱比美國的英雄館更精彩。泰國方面更希望場館為泰國旅遊帶來新刺激。

不過首先帶來刺激,是幾個大型超級英雄雕塑,當中包括美國隊長、雷神、黑寡婦、黑豹及變形俠醫,原來是放在場館的出口位,俾大家臨走時影張壓軸的呃like相,但當大家上載合照後,like呃唔到,但就呃到嬲。因為同大家一直以來,在電影所見的造型好有距離。

【曼谷.直擊】MARVEL體驗館開幕 必搶限定版英雄泰拳褲

見到呢個美國隊長,係咪有種泰國寺廟雕塑的感覺。(讀者提供)

走樣英雄逐個睇

相片上載後,在當地掀起極大迴響,當大家等睇大會點拆解時,大會在翌日就回應,原來一眾英雄的造型係專登整成咁。大會發言人表示,這幾座英雄Figure並非按電影造型製作,而是向6、70年代的Marvel原著漫畫致敬,所以無論造型及樣貌,都是以漫畫為藍本,跟電影版有出入在所難免。事實上,整個場館都製作精美,又真係無理由零零舍舍得幾座Figure咁粗製濫造。所以各位粉絲請放心,唔好俾佢哋嚇親而唔去走一轉呀!

睇番賣紀念品地方,佈置都幾精美,有番啲信心。

其實場館主要分為兩個部分,Reception Building及Attraction Zone,Reception Building區包括售票處、紀念品專門店及主題餐廳。至於Attraction Zone,就是讓大家親身體驗做超級英雄,有大量虛擬的互動遊戲,等大家可以同各位Marvel英雄一同作戰。大會預計所有遊戲玩晒大約要兩小時左右,應該未計排隊時間。

 

重溫舊版漫畫睇下似唔似

+2