【逆流大叔】各路大片前後夾擊 今個周末票房大決算

撰文:
最後更新日期:

暑期電影檔,向來是各大電影公司兵家必爭之地,但今年香港電影可以用缺貨來形容,數數埋埋成個7、8月就只得《兄弟班》、《逆流大叔》及《大師兄》3部作品,《逆》更是唯一本土港產代表。

電影於今個星期上映,在之前的優先場下贏盡口碑,票房理應大有可為。不過近年上畫的港產片都預到一大難題,就係排片量及場次時間大大影響票房,到底點樣先可以爭取到最多場次同最好時段呢?原來關乎上映後的首個周末。

一個關於四位大叔的故事,其實係寄語香港人。(劇照)

年頭,港產片《大樂師︰為愛配樂》上畫,欣賞過的觀眾都大讚拍得用心、故事好看,可惜票房一直低迷,然後有網友指出電影場次太不近人情,除了場次較少,時段也是集中朝早及中午的「攝檔期」,最晏的都只得下午5點場,大把香港人工都未放啦!令票房大受影響,並引起過網上一輪要求加場次的討論。

年初的《大樂師︰為愛配樂》,也是因為排片問題,大量粉絲投訴睇唔到。 (劇照)

【逆流大叔】吳鎮宇3個理由搵胡定欣做女主角:「首先要唔驚我」

就住排片問題,我們查詢過業內人士,原來一套戲的排片數量多少及時段優劣,取決於上畫後首個周末的表現。其實電影在上畫前都會讓戲院商率先欣賞,繼而決定排片場次。在租金高企下,各大院線當然想每間戲院的利潤最大化,所以影片票房愈好,場次自然會愈多,時段亦愈好。而每個星期四均是電影開畫日,通常都已定好星期四至日的場次,至於下星期的排法就要看頭幾日的票房。

最新一集《職業特工隊》,已上映一星期,但氣勢依然。

【陳詠燊.專訪】不忿電影圈壓榨編劇 原來合約列明可以唔畀錢?

如果以《逆流大叔》計,同期上映的有《職業特工隊︰叛逆之謎》以及《超人特工隊2》,所以首日票房收22萬,已屬中規中矩,不過同日上畫的有《維尼與我》,而下星期又有《與神同行:終極審判》殺到,所以幾位大叔下星期會唔會被Cut場次,好睇呢個周末的表現。撐港產片的朋友,撐大叔的你,呢兩日要快啲入場喇。

+6
+5
+4


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。