【十大華語電影盛典】惠英紅周秀娜獲封雙影后 娜姐上台激動口震

撰文:
最後更新日期:

第六屆海峽兩岸三地《十大華語電影盛典 》日前於寧波慈溪市舉行,周秀娜 ( Chrissie ) 憑《29+1》與《血觀音》女主角惠英紅雙雙封后,榮獲「年度女演員」殊榮。而由彭秀慧原著並執導的《29+1》以純港片姿態斬穫三大獎項,除了「年度女演員」,還包括「年度優秀電影」及打入「十大華語電影」。

惠英紅與周秀娜在《十大華語電影盛典》中雙雙封后。(IG圖片)

+4
+3
+2

Chrissie 日前在美國出席紐約時裝周後,即趕搭飛機前往寧波,她身披性感晚裝戰衣現身參加頒獎禮,當大會宣佈她獲得「年度女演員」時, Chrissie感到既意外又興奮,她在得獎後說:「雖然《29+1》入咗圍,但自己一路冇機會上台多謝團隊同《29+1》嘅工作人員、導演、演員。今次上到台親口同佢哋講多謝,真係好開心,所以噚晚自己攞獎時有啲口震,好激動。我記得喺角逐金像獎時,身邊朋友都好支持我,我好想話俾佢哋聽,多謝佢哋嘅支持, 我要同大家分享呢個獎。」

娜姐憑《 2 9 + 1 》奪得「年度女演員」殊榮,演技獲肯定。(視覺中國)

今次《29+1》在頒獎禮上連獲三個獎項,身在現場的 Chrissie 真的百感交集,因為《29+1》實在帶給她無限回憶,也讓她成長起來,「其實我最開心嘅係《29+1》由最初嘅百幾部電影入面,入到十大華語電影嘅其中一部,聽到宣布時真係好開心,好戥成個團隊高興;同埋呢部戲除咗香港有好成績外,係好多唔同地方嘅觀眾都鍾意呢部戲,《29+1》帶咗我去好多地方,俾咗更加多嘅人去認識我嘅作品。」

娜姐說《 2 9 + 1 》於她意義重大。

「個個都話 29+1 係人生另一個土星周期、轉捩點,喺我 29+1 時拍到呢部戲,我覺得佢係帶咗我去另一個階段,希望自己都好似部戲所講,『由零開始』,每一個階段都係新階段。我深信今年對我嚟講,或者嚟緊即將開展嘅事業都係,我會繼續努力,同埋保持初心。 」

娜姐希望事業更上一層樓。

第六屆海峽兩岸三地《十大華語電影盛典》是經國家新聞出版廣電總局電影局批准,由中國台港電影研究會、中國電影評論學會主辦,華語萬映文化傳媒(北京)有限公司承辦,香港電影工作者總會、台灣兩岸電影交流委員會、台灣中國影評人協會聯合主辦的海峽兩岸 三地電影文化交流活動,是目前唯一由中國大陸、香港、台灣三地電 影界聯合舉辦的華語電影盛會。今年獲得提名的華語電影共有19部 ,《29+1》是唯一一部入圍的純港片,為香港製作爭一口氣。

作為唯一一部入圍的純港片,《29+1 》為香港製作爭一口氣。(視覺中國)

+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。