【黃金兄弟】票房好考慮拍前傳? 錢嘉樂:監製一定要係曾志偉
撰文:趙允琳
出版:更新:
電影《黃金兄弟》昨晚(25日)舉行慰勞宴,一班主要演員錢嘉樂、鄭伊健、謝天華、陳小春及林曉峰均有出席。票房成績相當好,錢導演打算跟幾位兄弟怎樣慶祝?「請晒佢哋去歐遊囉!我哋要經費㗎嘛,所以11月嗰時就派陳小春開個演唱會集吓資去旅行。」陳小春大方表示:「你咁講我咪請囉,你講得出,我請得起!」
五位感情好眾所周知,能夠令他們在電影聚首一堂實屬難得,觀眾都表示很想再繼續看到五兄弟合體。被問到會不會考慮拍前傳,錢嘉樂稱暫時未有計劃,但若開拍一定要預埋曾志偉:「如果再有個project可以我哋五兄弟一齊呢,一定要監製都係曾志偉喎,咁我先會好樂意再諗。其實我都好樂意同呢幾個兄弟再次做新電影嘅,因為其實個過程真係非常之開心!」
阿Lo跟伊健快將生日,幾位兄弟們也在慰勞宴上為他們兩位準備了蛋糕提早慶祝,並全場一起大唱生日歌。