【岳華病逝】《樹大招風》導演黃偉傑讚專業:佢真係收放自如!

撰文:
最後更新日期:

著名演員岳華昨晚(20/10)在加拿大病逝,終年76歲。他自1965年出道,50年的演藝生涯拍過無數經典,而最後一部電影作品,就是《樹大招風》。《樹》片的導演黃偉傑接受《香港01》記者訪問時候對岳華的病逝大感可惜,雖然見面次數不多,但他印象深刻:「我記得佢係一個好溫文嘅人,其實我都只係前後見過佢三次,兩組戲同埋試造型嗰次。記得第一次見嘅時候,嗰時我仲係一個新導演,但佢好溫和,雖然有一種氣勢,但唔係震懾嗰種,令人感到好舒服。佢真係一個大好人,對住我呢啲新導演,佢都好有耐心咁聽我講,仲同返我講會盡力做,有咩要調較即管講唔好客氣咁。」

拍完《樹大招風》之後,黃導與岳華已未見過面。(受訪者提供)

黃導對岳華的印象除了是大好人之外,更是一名非常專業的演員:「記得有場戲係拍佢同陳小春角力,當然我都準備好晒所有嘢啦,但佢都準備咗幾個方法,仲試畀我睇,而咁啱我哋亦都希望佢收少少力,佢真係收放自如,可以將同一場戲同一句對白有幾個唔同版本,喺佢身上我學習到乜嘢叫做專業演員,同埋一種尊重導演嘅態度。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。