【失蹤】凌文龍戲中照顧失智顧美華  參考讀臨床心理學朋友經驗

撰文:
最後更新日期:

凌文龍昨晚(28日)出席電影《失蹤》煞科宴,他接受《香港01》訪問時便分享了自己為角色做的準備:「喺戲入面我要照顧患有失智症嘅媽媽(顧美華飾),而我因為呢件事再加上工作上嘅壓力,心理上會慢慢有變化,大家睇時不妨留意下。」他坦言收到劇本時不太認識失智症,所以即刻搬救兵:「我做咗好多資料搜集,了解下照顧失智病人有咩要注意,仲揾左讀臨床心理學博士嘅朋友傾偈,聽下佢哋平時同特殊病患相處嘅經歷。」除此之外凌文龍亦有閱讀劇本原著小說,指電影雖然有改編的成分,但主題仍然是西貢結界之謎,懸疑的氛圍很吸引人。

凌文龍為學習如何照顧失智症患者,請教了讀臨床心理學博士的朋友,也額外做了很多資料搜集。(陳順禎攝)

雖然凌文龍與飾演鍾欣潼母親的余安安只有一場對手戲,但因為兩人曾在《黃金花》中合作,甚有交情,所以他們都會一起探討如何演繹得更好,非常專業。「其實我哋只有一場喺門口會面打招呼嘅戲,不過我哋會討論『咁樣演會唔會再好啲呢?』『不如試下咁樣』,大家戲來戲往都幾好玩。」

戲中,凌文龍一家人與鍾欣潼一家人是鄰居,所以他們都頗親近,凌文龍說:「我都知道阿嬌嘅爸爸失蹤咗好耐,佢兩母女情緒上會有啲唔穩定,後來安姐(余安安)仲同我哋屋企有啲微妙關係,喺呢度就唔劇透住。」乍聽下去已經撲朔迷離,謎團就要等觀眾自己入場揭曉喇!

到底凌文龍(右)和余安安(左)之間埋藏着多少秘密呢?(陳順禎攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。