【生前約死後】馬浚偉投資7位數製作本土電影 望能感動觀眾
撰文：賴家杰
出版：更新：
由馬浚偉自編自導自演及監製的電影《生前約死後》今天（22日）舉行開鏡儀式，《生前約死後》由舞台劇搬上大螢幕，加上馬仔身兼多職，壓力相當之高：「其實今次都集合晒最瘋癲嘅崗位喺埋一齊，我承認係有少少分裂，因為成日要換唔同崗位，但都開心，不過之前為咗拍呢部電影我去買咗好多書，睇咗好多唔同電影，始終電視同電影同舞台劇都唔同，不過感恩做咗好多功課彌補自己不足，拍嘅時候都一切順利。」
馬仔透露為電影《生前約死後》投資了7位數字。（梁碧玲攝）
戲中女主角顧美華息演多年再演戲，她笑言不會太辛苦：「其實最大壓力係導演，佢乜都要睇住，睇住工作時間、睇住演員、睇住錢，因為預算唔係多，所以佢係辛苦。」
顧美華笑言馬仔非常緊張每一個電影細節。（梁碧玲攝）
說到馬仔身兼多職，其實這是他首次執導筒，為了圓導演夢，他已籌備多年：「其實咁多年來我一直都有做功課，電影導演我絕對係新人，我成日都形容我係電影屆新晉導演，我覺得我出年都有機會候選金像獎，我好想候選『新晉導演』，我諗新演員我冇機會。」
早前陳法拉公布婚訊，作為契哥的馬仔一早知道，可惜因為工作關係未能到場祝賀。（梁碧玲攝）