【辣手回春】杜琪峯最怪雞之作 張栢芝真咀醜男臨記嚇親觀眾

撰文:陳穎思
出版:更新:

2000年上映《辣手回春》被封為杜琪峯最怪雞之作,韋家輝筆下近乎瘋狂的劇情,雖然當年上映時被批評得體無完膚,但事隔多年影迷卻給它「Cult片」的封號,究竟爛到盡頭會否就變成Cult?

呢個配搭似係古惑仔Crossover極速傳說。(電影截圖)

論製作,《辣手回春》絕不馬虎,攝影、燈光、場景、配樂都符合杜琪峯的標準,起用當時最火熱的鄭伊健、陳小春與張栢芝,還有林雪、許紹雄及黃文慧等固定好戲,出事就在於觀眾睇唔明。

睇到呢啲畫面,仲以為係王晶式爛gag。(電影截圖)

其實打著「銀河映像」的招牌,觀眾應該不會只期待這是一套《妙手仁心》式的醫療戲,但編劇韋家輝、游乃海與黃勁輝明顯玩得太刁鑽,諷刺社會、批評人性,多多少少都掌握到,奈何太前衛的表達手法,對一般觀眾來說,只會消化成「造作」,甚至會覺得杜Sir花廿日拍套爛片呃票房,倒不如睇多幾次同年出品的《孤男寡女》。

爛同Cult究竟係咪只係一線之差?(電影截圖)

《辣手回春》收逾1400萬仍被視為票房仆直,主要是因為與期望落差太大,電影簡介是部愛情片,以為鄭伊健與陳小春如何爭奪張栢芝,但愛情線到結局才展開;想睇醫生救人嗎?成班演員很會說醫療用語,但救人卻十分兒戲,整體感覺是看了個半小時,都得不出個所以然。

唔少觀眾話好記得乞丐變黃浩然呢一幕。(電影截圖)

不過眾多睇唔明之中,總有人睇得透,從他的解釋會發現自己多愚昧,多不懂電影語言,然後一傳十、十傳百,又一部Cult片誕生了。而一眾睇唔明的觀眾中,最多人談論的是張栢芝與乞丐戲份,劇情講述有位冤崩爛臭的乞丐哽親幾乎窒息至死,成班醫生不願救人,唯獨新仔張栢芝心口有個勇字,冒著大雨給乞丐做人工呼吸,栢芝真嘴臨時演員,睇到觀眾眼都凸埋。後來乞丐愛上栢芝,慢慢變成有學識又有錢的靚仔,最終進化成黃浩然,有時做好心幫人,的確可以改變人一生,呢條線應該大家都睇得明。

重溫栢芝咀乞丐一幕

+9