百佳一分鐘掃貨|《誤人子弟》林海峰都有玩 入場先發現限制多多

撰文:
最後更新日期:

林海峰版本嘅一分鐘任掃。(影片截圖)

百佳嘅《誠心賞你》抽獎活動吸引唔少市民登記,市民除有機會獲得百佳現金券外,10名頭獎得主更可參與「1分鐘掃貨」活動。有網民隨即列出多種「搬窮百佳的貨物」,當中包括酒、電話卡、點數卡、鮑魚,又或者係收銀機。

之前喺學生圖書館練習,好認真。(影片截圖)

適逢由黃秋生、林海峰主演嘅電影《誤人子弟》,最近推出修復版Blu-ray,再次掀起熱潮。而當中更有一幕貌似「超級市場一分鐘任掃」的橋段,身為老師嘅兩位男士,為咗呢一分鐘,將學校圖書館當成貨架練習,非常進取。同唔少市民一樣,林海峰嘅同事都叮囑佢都狂掃酒、電器等高價貨品,而戲中被林海峰視為女神嘅徐子淇,就佛系心態:「隨便啦,唔使架啦」。

林海峰雖然最終只係掃走檸檬荼、罐裝飲品,但大獎係徐子淇。(影片截圖)

結果當林海峰去到超市、衝到電器部先發現原來有紅牌唔拎得,之後嘅紅酒架亦貼上紅牌,佢唯有轉攻檸檬荼、罐裝飲品。呢個情況跟現實中百佳《誠心賞你》抽獎活動情況極相似,其實好多貨都唔畀掃。相信當年林海峰拍攝時,都未必會諗到橋段會在多年後真實上演。電影中,林海峰去到後期被主持人串佢「優柔寡斷、缺乏主見、唔死都無用」,幸好被攻擊至石化嘅佢,喺最後10秒衝到零食區,拎走一包女神徐子淇最愛嘅朱古力豆,而佢亦因為呢個舉動最後抱得美人歸,絕對開心過超級任掃。

點擊下圖睇林海峰一分掃啲咩

+31
+31
+31


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。