《第44屆香港電影金像獎》今日（19／4）在香港文化中心舉行，「最佳男配角」由杜德偉奪得，他在台上說：「多謝香港金像獎嘅評委團隊認同我呢個角色，其實我已經好耐冇喺香港有電影嘅演出，今次呢個獎亦都係我入行41年，佢嘅意義係非凡。我要多謝《風林火山》嘅導演麥浚龍先生，佢寫咗個咁精彩咁特別嘅角色畀我，多謝佢對我嘅信任。其實我係諗咗好多嘢講，但依家咩都唔記得晒，仲有要多謝另一位係《風林火山》入邊有份參與嘅演員，就係梁家輝先生。當我攞到呢個劇本第一時間去佢屋企，佢用一晚時間分享佢對角色嘅諗法同心得畀我，過程係非常精彩，我好想依家同大家分享，但係因為太長太精彩，如果有機會做一個專訪，我會再同大家詳細分享。最後我要多謝我嘅靈魂伴侶太太，同埋我都好乖仔AJ，你哋係我永遠最強嘅後盾多謝大家。」