【星戰外傳】甄子丹為宣傳一日飛兩國家 聖誕節繼續拍沒法陪家人
撰文：郭敏玲
出版：更新：
甄子丹在一群白兵陪同下出場，好有Feel！（黃國立攝）
「宇宙最強」甄子丹早前參與拍攝科幻電影《俠盜一號：星球大戰外傳》，名符其實打到上宇宙。今日他到旺角出席電影宣傳活動，一群白兵上前擺陣迎接，真係寧舍好feel，吸引了大批市民圍觀，場面逼爆。
甄子丹忙於電影宣傳，又要拍電影，忙到七彩。（黃國立攝）
電影在世界各地舉行首映，甄子丹笑言忙到七彩，一日飛勻兩個國家，「去完洛杉磯首映，就要飛去倫敦。」不過他覺得能夠代表華人參與這套永恆經典，真係非常滿足開心，而他一直等待有發揮的電影角色，當《星戰》邀請他參與時，雖然是大好機會，但他仍有所猶豫：「因為要離開香港，到倫敦拍攝5個月，唔捨得仔女，所以問佢哋鍾意爹哋做葉問多啲？定係想我出現喺《星球大戰》？」結果不用多說，《Star Wars》完勝！所以促成了今次演出。
提到聖誕節，甄子丹表示無辦法陪家人度過，皆因仍有電影要拍，拍到新年才完成。雖然有得留在香港，但與仔女共度佳節就交給太太汪詩詩，去旅行開心下。
甄子丹有幸參與《俠盜一號：星球大戰外傳》一角，相信觀眾想睇的意慾會大增！（黃國立攝）