《人蜂不兩立》劇評|一隻蜜蜂玩足9集 與時並進的「戇豆」風味

撰文:許育民
出版:更新:

《人蜂不兩立》 (又譯︰人來蜂 Man VS Bee),由「戇豆先生」路雲雅堅遜(Rowan Atkinson)主演的Netflix短劇。說是劇,更似是一套電影拆開9集放映,每集長9至11分鐘不等,讓你好好自行分配,輕輕鬆鬆一程車時間,或一個約會的早到時光,都可睇完一集。

好少見到咁多嘢講的Rowan Atkinson。(《人蜂不兩立》劇照)

第一集先簡單背景介紹,一來就是路雲雅堅遜在庭上接受法官審判,說他犯了14項罪名,包括危險駕駛、破壞藝術品、縱火等,然後他無奈地說,全因一隻蜜蜂。原來他是一位臨時看屋員,即是屋主要遠行,找你來到家中睇屋,打理家務照顧狗仔等,而這份工作正是他失業多時的甘露,要好好珍惜。而第一集亦匆匆講晒全屋危機所在,智能家居、密碼鎖、現代名畫、藝術擺設、古董名車、百萬古書,一隻有食物敏感的狗,統統都預告了全片將會發生的事。

一隻蜜蜂搞足100分鐘有多,都好考編劇功力。(《人蜂不兩立》劇照)

基本上一切就源於一隻打不死的蜜蜂,起初只想趕走牠,但趕極唔走便動殺機,試過令牠跟死亡只有一步之遙,只是佛念心起,情願麻麻煩煩安排一場放生都不殺生,然而殺不死你!殺不死你!殺不死你下的結局,正正是後患無窮。

或許「戇豆先生」太深入民心,由路雲雅堅遜演的角色戀是有陣「豆味」。的確,今次角色依然是愛面子、會諸事八卦、手多多,最重要是闖禍後會以胡混手法補救務求過關,只是他比較會多說話,不會來來去去得一句「Bean~」。所以當第一集開晒所有伏線,隨後每集就是看他如何接近「死亡」,如何搞到拆爛古董跑車,燒毀大屋,被告上法庭。

呢個造型的Mr. Bean,相當可愛。(《人蜂不兩立》劇照)

當然,部分情節是搵戲嚟做,甚至有些不合情理,但發生在路雲雅堅遜身上,你又會包容度大增,就如過年看一齣賀歲片,再胡鬧都會以笑回敬。事實上大師的魅力縱不及當年,但一舉一動依然幽默感滿載。而大師亦有隨科技進步,將笑料進化,如《特務戇J》就加入VR情節,今次就配合手機視像通話,來個人肉Lag機扮斷線,幾好笑之餘亦不妨學定以備不時之需。

有人話劇情搞得太大,唔好睇。(《人蜂不兩立》劇照)