金像獎2022| 林家棟與《手捲煙》團隊行紅地氈 回應傷勢︰好小事
撰文：朱奕錦
出版：更新：
第40屆香港電影金像獎於今日（17日）隆重舉行，眾星盛裝亮相，場面星光熠熠。
早幾日林家棟因拍攝電影《潛行》時，不慎因地面不平而絆倒，有傳當時全身不能動彈，即刻送往醫院治療，令大眾擔憂。不過今日，家棟與《手捲煙》主創亮相紅地氈，問及傷勢，他打趣道：「因為我啱啱戒咗手捲煙，所以我可以出席呢個金像獎頒獎典禮。」家棟續指道：「其實之前好小事，只不過我自己又唔小心，咁但係我都要喺呢度趁呢個機會多謝啲醫護，即係佢哋啲藥好重手，咁我就可以好快咁康復，行返出嚟。」
林家棟現身金像獎紅地氈。（視頻截圖）
今次家棟憑主演的《手捲煙》、《智齒》入圍最佳男主角，以及《殺出個黃昏》提名最佳編劇等，談及可有預備謝辭稿，會不會很頭痛時，他坦言：「其實我自己都冇刻意去諗一個咩稿，因為好睇現場自己個感覺係乜嘢，咁同埋好多時好多畫面出返嚟嘅，我而家講返《手捲煙》，邊一場、邊句點點點，我都仲記得，又或者另外嗰兩部我都搵得出嚟，因為自己真係投入過，咁變咗如果真係咁好彩，有機會能夠上到台嘅時候，到時就好似嘭嘭嘭彈出嚟，隨心而發。」
家棟狀態不錯。（視頻截圖）