周星馳出Post呼喚張栢芝　對方只回覆一個字

周星馳早前登陸Instagram，至今粉絲人數已突破30萬，每次出Post都成為網民熱話，今日（21日）他就分享了跟張栢芝的舊合照，仲標籤呼喚對方，但栢芝就只回應一個字，何解會hea覆呢？

星爺分享了一張跟栢芝在尿兜前扮小解的合照，並叫網民「大家想像下是甚麼情況（故事創作環節#createwithstephen）」，仲Tag埋栢芝話「意唔意外？驚唔驚喜？」。

未幾栢芝就留言回覆一個字「絕」，之後再加多句「冇得頂」，兩人難得互動，不少網民都表示希望再次看到他們合作。